From Wikipedia, the free encyclopedia
Hugo DONELLUS (1527–1591) (* Chalon-sur-Saône, en la 23-a de decembro 1527 - Altdorf apud Nürnberg, en la 4-a de majo 1591) estis franca juristo, universitata profesoro kaj humanisto. Li donis lecionojn pri juro en la universitatoj de Heidelberg, Lejdeno kaj Altdorf, kie li mortis. Li estis unu el la plej gravaj reprezentantoj de la "prijura humanismo"[1].
Ugo Donelo | ||
---|---|---|
![]() | ||
Persona informo | ||
Hugues Doneau | ||
Naskiĝo | 23-an de decembro 1527 en Chalon-sur-Saône | |
Morto | 4-an de majo 1591 (63-jaraĝa) en Altdorf apud Nürnberg | |
Lingvoj | latina vd | |
Ŝtataneco | Francio ![]() | |
Alma mater | Universitato de Tuluzo Universitato de Bourges ![]() | |
Profesio | ||
Alia nomo | Zacharias Furnesterus • Zacharie Furnester • Eusebius Philadelphus vd | |
Okupo | juristo universitata instruisto ![]() | |
Aktiva en | Heidelberg vd | |
vd | Fonto: Vikidatumoj | |
Donellus devenis el tre respektata familio, studis juron en Tuluzo kaj Bourges. En tiu epoko, Bourges estis la centro de la jura humanismo kaj Franciscus Duarenus (1509-1559)[2], unu el la membroj plej famaj de tiu movado, estis unu el la profesoroj de Donellus en la Universitato de Bourges. En 1551, ricevis la diplomon pri doktoreco de tiu universitato, kaj do, li komencis instrui. Tame, ĉar li adoptis la kalvinisman fidon, Hugo devis fuĝi al Ĝenevo, post la Masakro de Sankta Bartolomeo, en 1572. Donellus akceptis la inviton de la palatina princo Frederiko la 3-a (1515-1576)[3] al la posteno kiel profesoro de la Universitato de Hajdelbergo. En 1573, tamen, Donellus devis fuĝi denove, ĉar Hajdelbergo kaj la tuta najbararo de la Palatinato [4] konvertiĝis al la luterana fido altrudita de Ludoviko la 6-a (1539-1583)[5], sukcedanto de Frederiko la 3-a. Hugo, do, ekinstruis en Lejdeno, sed, en 1587, la politikaj cirkonstancoj devigis lin reveni al Germanio kie li fariĝis profesoro pri juro en la Universitato de Altdorf, kiu, cetere, estis la universitato de la Libera Imperia Urbo de Nurenbergo. Li mortis en Altdorf, en 1591.
Hugo Donellus estis unu el la francaj juristoj, kiuj sekvis la ekzemplon de Andreas Alciatus (1492-1550)[6] kaj aplikis la metodojn de la Renesanca humanismo al la studo pri juro. Tamen, multaj el siaj sekvantoj de la tiam nomitaj "mos gallicus"[7] koncentriĝis sur kritika pritaksado de la tekstoj ene de la Corpus iuris civilis[8]. Donellus estis pli interesita en la konstruado de ia kohera prijura sistemo. Lia plej konata verko: Commentarii de iure civili (Komentarioj sur la civila leĝo), eldonita parte kaj postmorte de Scipione Gentili (1563-1616)[9], estis unu el la unuaj tentoj por organizi la temon Romia juro ene de ia logika ordo kaj ne laŭ la sekvo de la libroj kaj de la registroj de la Digestorum, ankaŭ konata kiel Pandektoj.
Hugo Donellus faris ankaŭ gravajn kontribuaĵojn sur diversaj specifaj kampoj de la juro, same kiel la posedodoktrino kaj ka koncepto pri propraĵoj.