Cidono
From Wikipedia, the free encyclopedia
From Wikipedia, the free encyclopedia
Cidono (ankaŭ Sidono, en la araba صيدا, Saidā) estas la kvara plej granda urbo de Libano. Ĝi havis 57 800 loĝantojn en 2008, dum en ĝia aglomeraĵo vivas proksimume 200 000 personoj.
| Cidono | |||||
|---|---|---|---|---|---|
 | |||||
| urbo urbego antikva urbo (–nekonata valoro)  vd | |||||
| Administrado | |||||
| Lando | Libano | ||||
| Distrikto | Cidono | ||||
| |||||
| Demografio | |||||
| Loĝantaro | 57 800 (2008) | ||||
| Loĝdenso | 28 571 loĝ./km² | ||||
| Geografio | |||||
| Geografia situo | 33° 34′ N, 35° 22′ O (mapo)33.562535.369722222222 | ||||
| Alto | 0 m | ||||
| Areo | 7,86 km² (786 ha) | ||||
| Horzono | UTC+2 | ||||
|
| |||||
| Alia projekto | |||||
 Vikimedia Komunejo Sidon [+] | |||||
Cidono estas havenurbo ĉe la bordo de Mediteraneo. La urbo havas areon de 7,86 km² kaj ĝi estas la ĉefurbo de la samnoma distrikto.
Cidono estis ekloĝata proksimume en la 4-a jarmilo a. K. kaj do apartenas al la plej malnovaj urboj de la mondo.
La unua dokumenta mencio de Cidono troveblas en la Genezo [2], kie Cidono estis nomita la unuenaskita filo de Kanaano, nepo de Noa. En antikva tempo ĝi estis unu el la plej gravaj urboj de la fenicianoj. Dum la ribelo de la fenicaj urboj kontraŭ Salmanasaro la 5-a de la jaro 726 a.K. ĝis 722 a.K. la sidonanoj luktis flanke de la asiroj. Cidonio fariĝis asira provinco. Dum la 6-a jarcento antaŭ Kristo Cidonio fariĝis la plej grava komerca centro de la aĥmenidoj. En la jaro 332 antaŭ Kristo Cidonio estis konkerita de Aleksandro la Granda, kiu fariĝis ĝia nova reganto. Laŭdire kaj Jesuo [3] kaj Sankta Paŭlo [4] vizitis la urbon. Sub la regado de la romia imperiestro Vespasiano la urbo estis grandigita kaj fortikita kaj ricevis por la epoko modernan infrastrukturon. Ĝis la Batalo apud Jarmuko en la jaro 636 post Kristo la urbo apartenis al la Bizanca Imperio. Tiam ĝi estis konkerita de la araboj.
La 4-an de decembro 1100 la krucmilitisto Baldueno la 1-a konkeris la urbon. En la jaro 1187 la trupoj de Saladino rekonkeris kaj okupis la urbon. En la jaro 1197 la urbo estis denove konkerita de eŭropanoj fare de la trupoj de la Sankta Romia Imperio sub gvido de Henriko la 6-a okaze de la tiel nomita germana krucmilito. En la jaro 1260 Cidono estis rabita de la mongoloj.
En la jaro 1900 la aglomeraĵo de la urbo nombris 10000 loĝantojn, kaj ĝis la jaro 2000 ĝis kreskis al proksimume 200000. Aktuale antaŭ la urbo situas la palestina rifuĝejo Ain al-Halweh, kiu estis ĝis 1991 unu el la plej gravaj rifuĝejoj de la Organizaĵo por Liberigo de Palestino.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
