Tiu artikolo temas pri Virgulino en Meksiko; pri samnoma virgulino en Guadalupe (Hispanio) vidu artikolon Virgulino de Guadalupe (Hispanio).
| Sankta | ||
| Nia Damo de Gvadalupo | ||
|---|---|---|
 | ||
| Persona informo | ||
| Sanktulo | ||
| vd | Fonto: Vikidatumoj | |
Nia Damo de Gvadalupo (hispane Guadalupe) estas maria alvoktitolo de la Maria (patrino de Jesuo), kies bildo estas kultata en la Baziliko de Gvadalupo, norde de Meksikurbo, Meksiko. Samnoma estas alia virgulino kultata en monaĥejo de Guadalupe, Ekstremaduro, Hispanio, de kiu devenas la adorado al la meksika samnomulino, ĉar multaj el la konkeristoj de Meksikio devenis el tiu hispania regiono.
Laŭ la katolika tradicio, la virgulino de Gvadalupo aperis kvarfoje al azteko Juan Diego Cuauhtlatoatzin sur la monteto Tepejako. Post la kvara apero, la virgulino ordonis al Juan Diego ke li prezentu sin antaŭ la unua episkopo de Meksiko, Juan de Zumárraga. Juan Diego portis sian tolon kun rozoj — floroj kiuj ne estas tipaj de Meksiko kaj ili ne kreskas en la arida grundo de la monteto Tepejako — kiujn li prenis en Tepejako, laŭ peto de la virgulino. Juan Diego elvolvis la tolon el agavo antaŭ la episkopo Juan de Zumárraga, kaj tie aperis la bildo de Sankta Maria, bruna kaj kun indiĝenaj indianaj trajtoj.
La mariaj aperoj okazis en 1531, la lasta la 12-an de decembro samjare, kvankam la libro pri la aperoj sur Tepejako —la Nican mopohua— estis publikigita en 1649 kadre de renaskiĝo de la kultado al tiu bildo kiu retroiris komence de la 14-a jarcento.
Ekde la jaro 2000 ĝi ricevis la titolojn Patronino de Meksiko kaj Imperiestrino de Ameriko fare de la papo Johano Paŭlo la 2-a.
Bibliografio
- Stafford Poole, Our Lady of Guadalupe. The Origins and Sources of a Mexican National Symbol, 1531–1797. University of Arizona Press, Tucson 1995
- Paul Badde, Maria von Guadalupe. Wie das Erscheinen der Jungfrau Weltgeschichte schrieb. Ullstein, Berlin 2004, ISBN 3-550-07581-2; Guadalupe. Objawienie, które zmieniło dzieje świata (Guadalupe. La revelacio, kiu ŝanĝis historion de la mondo), Pola Enciklopedia Eldonejo POLWEN, Radom 2006, p. 259. ISBN 83-89862-57-3
- Grzegorz Górny, Janusz Rosikoń, Sekrety Guadalupe. Rozszyfrowanie ukrytego kodu (Sekretoj de Guadalupe. Deĉifro de kaŝita kodo), Rosikon Press, Izabelin-Warszawa 2015, p. 280
Vidu ankaŭ
Eksteraj ligiloj
- Caryana.org, The Story of Our Lady of Guadalupe
- Oficiala paĝo
- Filmo pri la revelacio
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
