From Wikipedia, the free encyclopedia
La Muzeo de Belartoj de Sevilo (hispane Museo de Bellas Artes de Sevilla) estis kreita per Reĝa Ordono de 16a de septembro 1835 kiel "Museo de Pinturas" (Muzeo de Pentraĵoj). En 1839 oni elektis inter iamaj konventoj tiu nomita de la Merced, aktuala sidejo, kiun oni inaŭguris oficiale en 1841. Nuntempe oni konsideras ĝin unu de la plej gravaj pinakotekoj de Hispanio.[1][2] Ĝi estas ĉe la Placo de la Muzeo, kiu estas prezidita de skulptaĵo dediĉita al la pentristo Bartolomé Esteban Murillo. Temas pri muzeo fundamenta por koni kaj la sevilan barokan pentrarton, speciale de Zurbarán, Murillo kaj Valdés Leal, kaj la andaluzan pentrarton de la 19-a jarcento.[3][4][5]
Muzeo de Belartoj de Sevilo | |||
---|---|---|---|
Museo de Bellas Artes de Sevilla | |||
![]() | |||
muzeo monumento arta muzeo konvento (1602–1799) ![]() | |||
Lando | Hispanio vd | ||
Situo | Sevilo | ||
Adreso | Plaza del Museo, 9 | ||
Poŝtkodo | 41001 | ||
Estiĝo | 16-a de septembro 1835 | ||
Malfermo | 16-a de septembro 1835 | ||
Koordinatoj | 37° 23′ 34″ N, 6° 0′ 0″ U (mapo)37.392654150993-6.0001261186722 | ||
| |||
Jaraj vizitantoj: | 177 541 ![]() | ||
Parto de | Seville old town vd | ||
Retpaĝo | http://www.museosdeandalucia.es/web/museodebellasartesdesevilla | ||
La ĉefa fasado estas antaŭ la tiel nomita Placo de la Muzeo. La ornamita pordo ĝis 1945 estis la enirejo al la preĝejo de la iama konvento, inter la stratoj Cepeda kaj Bailén. Ĝi estis desegnita de Miguel de Quintana en 1729, kaj iomete modifita de monaĥo Francisco Bartolomé de Rojas.[6] Temas pri duoncirkla arko kun po paro de ornamitaj murkolonoj ambaŭflanke sur piedestaloj. Sur la arko en dua etaĝo estas granda subarka niĉo en kies interno estas la figuro de Virgulino de la Merced kaj ambaŭflanke la surgenuigitaj figuroj de Sankta Petro Nolasko, fondinto de la Ordeno de la Merced, kaj la reĝo Jakobo la 1-a de Aragono, ĝia protektanto. Ambaŭflanke estas du salomonaj kolonoj.
La internan konstruaĵon planis Juan de Oviedo, kaj tiu laboro pluis el 1602 ĝis la 1610-aj jaroj. Temas pri konstruaĵo ĉirkaŭ tri kortoj, ligitaj per monumenta ŝtuparo kaj la preĝejo, fone. La enirhalo estas ornamita per azuleĥoj devenaj de diversaj sevilaj konventoj. Estas kvar klostroj, el kiuj unuetaĝa pli ampleksa kaj svelta kun kolonoparoj sur plintoj. En la duetaĝa, reformita en 1724 de Leonardo de Figueroa, estas balkonoj enkadritaj de joniaj pilastroj. En la klostro Bojes, desegnita de Juan de Oviedo kaj konstruita ĉirkaŭ 1612, estas same azuleĥoj devenaj de diversaj konventoj kaj pordego de la kastelo de la Calahorra.
La preĝejon planitan de Juan de Oviedo oni konstruis inter 1603 kaj 1612.[7] Ĝi estas ununava kun volbo kaj navkrucejo sur kupolo. Estas murpentraĵoj de la sevila pentristo Domingo Martínez.
La origino de la kolekto estas aro da pentraĵoj devenaj de konventoj malaperigintaj pro la desamortización. Pro tio granda parto de la kolekto estas de religia pentrarto, kaj ĉefe de la baroka sevila skolo. Ĉirkaŭ 1840 estis 2 045 verkoj, sed poste oni konsideris multajn netaŭgaj kaj oni malaltigis la enhavon al ĉirkaŭ 500 verkoj. Fine de la 19-a jarcento kaj dum la unua duono de la 20-a jarcento venis donacoj de gravaj verkoj. En la lastaj jardekoj venis donacoj de aĉetaĵoj de publikaj instancoj kaj de posteuloj de pentristoj de komenco de la 20-a jarcento.
Krom pentraĵoj estas ankaŭ desegnoj, ceramiko, juveloj, mebloj, teksaĵoj, skulptaĵoj ktp.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.