AKAMATSU Kaname (japane 赤松 要, Akamatsu Kaname; la 7-an de aŭgusto 1896 en Kurume - mortis la 20-an de decembro 1974) estis japana ekonomikisto. Li estas konata pro ellaboro de paradigmo de flugantaj anseroj, kiu montris la japanan gvidrolon en la teknologia evoluo en sudorienta Azio.
| Kaname Akamatsu | |
|---|---|
| Persona informo | |
| Naskiĝo | 7-an de aŭgusto 1896 en Japanio |
| Morto | 20-an de decembro 1974 (78-jaraĝa) |
| Lingvoj | japana |
| Ŝtataneco | Japanio Japana Imperio (–1947)  |
| Alma mater | Kobea Universitato universitato Hitocubaŝi |
| Okupo | |
| Okupo | ekonomikisto universitata instruisto |
Li studis ekonomion kaj germanan filozofion en la Tōkyō Shōka Daigaku (Ekonomia Lernejo de Tokio) (hodiaŭ Universitato Hitotsubashi). Lia deveno el malriĉaj cirkonstancoj kondukis al forta interesiĝo je la marksismaj ideoj. Li veturis en 1924 al Germanio, kie li pasigis du jarojn en Berlino kaj Heidelberg kaj ekkonis ideojn de Friedrich List pri nacia ekonomio kaj filozofion de Hegel. Li vizitis en Londono tombon de Karl Marx, en Boston lernis en la nov-fondita Harvard Bureau of Economic Statistics la tie evoluigitajn metodojn de la matematika ekonomio. Ekde 1926, li instruis en Universitato de Nagojo. Li esploris empirie la ekonomian evoluon precipe laŭ ekzemplo de la regiona teksaĵa industrio. la esploroj donis bazon de sia teoria verko. En 1939, li eklaboris en Ekonomia Lernejo de Tokio. Ekde 1943, li laboris en Singapuro. Post fino de la dua mondmilito, li estis akuzita kiel militkrimulo kaj estis juĝprocesigita. La akuzoj falis en la proceso, ekde 1953 li iĝis dekano de la ekonomiscienca fakultato de Universitato Hitotsubashi.
La paradigmo de flugantaj anseroj estis ellaborita en la 1930-aj jaroj, por kio lin helpis ideoj de Friedrich List. Li preferis la impoton, se tio helpis elkonstruon de la hejma industrio. Liaj verkoj restis nekonataĵ ĝis la 1960-aj jaroj, kiam aperis artikoloj en la angla lingvo. Liaj libroj ne estas ĝis nun tradukitaj al alia lingvo.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
