![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/be/COEN_Brothers_%2528cannesPH%2529.jpg/640px-COEN_Brothers_%2528cannesPH%2529.jpg&w=640&q=50)
Fratoj Coen
From Wikipedia, the free encyclopedia
Joel Daniel COEN (29a de Novembro 1954)[1] kaj Ethan Jesse COEN (21an de Septembro 1957),[2] populare konata kiel Fratoj Coen aŭ Coen Brothers (/ˈkoʊən/), estas usonaj kin-reĝisoroj, produktoroj, scenaristoj, kaj eldonistoj. Iliaj filmoj ampleksas al multaj ĝenroj kaj stiloj, kiujn ili ofte renversas aŭ parodias.[3] Iliaj plej laŭditaj verkoj estas Raising Arizona (1987), Miller's Crossing (1990), Fargo (1996), The Big Lebowski (1998), O Brother, Where Art Thou? (2000), No Country for Old Men (2007), Burn After Reading (2008), A Serious Man (2009), True Grit (2010), Inside Llewyn Davis (2013), kaj The Ballad of Buster Scruggs (2018).
Fratoj Coen | |||||
---|---|---|---|---|---|
![]() | |||||
Persona informo | |||||
Coen brothers | |||||
Etno | usonanoj vd | ||||
Profesio | |||||
Alia nomo | Roderick Jaynes vd | ||||
Aktiva dum | 1984– vd | ||||
| |||||
| |||||
vd | Fonto: Vikidatumoj | ||||
La fratoj verkas, reĝisoras kaj produktoras filmojn kune, kvankam ĝis The Ladykillers (2004) Joel ricevis la nuran listigon pro la reĝisorado kaj Ethan pro la produktorado. Ili ofte kunlaboris por la scenaroj, kvankam kunhavas listigon sub la kromnomo Roderick Jaynes. Ili estis nomumitaj por 13 Oskar-premioj kune, kaj individue por po unu, kaj ili ricevis la premion al la Plej Bonkvalita Originala Scenaro pro Fargo kaj al la Plej Bonkvalita Filmo, al la Plej Bonkvalita Reĝisoro kaj al la Plej Bonkvalita Adaptita Scenaro pro No Country for Old Men. La duo ricevis ankaŭ la Palme d'Or pro Barton Fink (1991).
La fratoj Coen verkis nombrajn filmojn kiujn ili ne reĝisoris, kiel la biografia militdramo Unbroken (2014), la historia jura trilero Bridge of Spies (2015), kaj malpli konataj, komerce nesukcesaj komedioj kiel Crimewave (1985), The Naked Man (1998) kaj Gambit (2012). Ethan estas ankaŭ verkisto de noveloj, teatro kaj poezio.
Ili estas konataj pro siaj distingaj stilaj markiloj kiel la ĝenra hibrideco.[4] No Country for Old Men, A Serious Man kaj Inside Llewyn Davis estis rangigitaj de BBC en 2016 inter la plej grandaj filmoj ekde 2000.[5] En 1998, la Usona Kininstituto (American Film Institute, AFI) rangigis Fargo inter la 100 plej grandaj usonaj filmoj iam faritaj.[6]