From Wikipedia, the free encyclopedia
Giovanni Costeo (1528–1603) estis filozofo, kuracisto, botanikisto, profesoro pri Medicino de la Universitato de Torino kaj Bolonjo, privata kuracisto de la Duko de Savojo, kaj fekunda aŭtoro da sennombraj verkoj pri Medicino. En sia verko "Tractatus de venarum meseraicarum usu" (1565) li asertis ke la mesoenteraj vejnoj[1] ne altiras la Ĉilon, sed nur la sangon, kiu nutras la malsuperan parton de la korpo. En 1570, li estis vokita de la duko Emanuelo Filiberto (1528-1580) por instrui teorian medicinon en la Universitato de Torino kaj tie li restis dum jardeko, krom aktivi kiel privata kuracisto de la duko, paciento malpli zorgema pri la traktadoj kaj dietoj, kiu suferis pri la hepato kaj galŝtonoj.
Johannes Costaeus Laudensis (1528–1603) | ||
---|---|---|
De facili medicina ..., verko plublikigita en 1604 | ||
Persona informo | ||
Naskiĝo | 1528 en Lodi, Italio | |
Morto | 1603 en Bolonjo, Italio | |
Lingvoj | latina vd | |
Ŝtataneco | Papa Ŝtato vd | |
Alma mater | Universitato de Torino Universitato de Bolonjo | |
Familio | ||
Infanoj | Giovanni Francesco Costeo (en) vd | |
Profesio | ||
Okupo | kuracisto universitata instruisto vd | |
vd | Fonto: Vikidatumoj | |
Lia universitata kariero progresis ĝis la morto de la duko, tiam kiam li ricevadis 400 eskudojn, dum lia sukcedinto, Giovanni Battista Fernello ricevis nur 250. Ekde 1571 li supozeble laboris sensalajre kiel klinikisto, sed la favoroj de la duko lasis makulojn, kaj foje li trovis sin en la centro de polemiko pri sia antaŭa aktiveco, tie kie lia filo, Giovanni Franĉesko lin apogas. En 1580, li akceptis riĉan oferton de Ippolito Aldobrandini, estonta papo Klemento la 8-a kaj translokiĝis al la Universitato de Bolonjo kie li instruis praktikan medicinon ĝis 1598.
Dum tiu periodo li konatiĝis kun Justus Lipsius (1547-1606) kaj Ulisse Aldrovandi (1522-1605), kiu indikis Kosteon kiel profesoron. Lia pasio pri botaniko, kvankam li ne atingis en sia verkaro rezultojn kun konsiderinda originaleco, lin kondukis al la najbaraĵoj de Venecio kaj Padovo serĉe de semoj kaj plantoj, kiuj ofte estas senditaj al Aldrovandi. Li mortis en Bolonjo kaj sepultiĝis en la preĝejo de la monaĥinoj de Sankta Agneso, kie la Komunumo de Lodi starigis tomboŝtonon liaomaĝe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.