hispana sindikato From Wikipedia, the free encyclopedia
CNT (Nacia Konfederacio de la Laboro; hispane Confederación Nacional del Trabajo) estas hispana sindikato, kiu fondiĝis en 1910 en Barcelono.
| Confederación Nacional del Trabajo | ||
|---|---|---|
 | ||
 | ||
 | ||
| laborista sindikato konfederacio  | ||
| Komenco | 1910 vd | |
| Lando(j) | Hispanio vd | |
| Sidejo | Bilbao | |
| Ideologio | ||
| Filioj | anarchist confederal militia (en)  vd | |
| Posedatoj | cnt vd | |
| Retejo | Oficiala retejo | |
| Nacia Konfederacio de la Laboro | |
|---|---|
| Confederación Nacional del Trabajo | |
 | |
| Lando |  Hispanio |
| Tipo | Sindikataro |
| Celo | Disvolvi inter laboristoj la asocio-spiriton, praktiki reciprokan subtenon kaj solidarecon, reprezenti, defendi kaj promocii la ekonomikajn, socialajn, istajn kaj kulturajn interesojn de la aliĝintoj tiom bone, kiom programi la necesajn agadojn por atingi socialajn kaj ekonomiajn plibonigojn, ne nur por aliĝintoj sed ankaŭ por la laboristoj ĝenerale. |
| Fondiĝo | 1-a de novembro 1910 |
| Fondiĝloko | Barcelono |
| Ĝenerala sekretario | Miguel García (2019-nun) |
| Sidejo | Madrido |
| Gazeto | cnt (gazeto) |
| Interretejo | www |
.JPG)
CNT (Nacia Konfederacio de la Laboro) sekvas anarkiismajn sindikatajn principojn, kaj vidas sin heredanto de la "1-a Internacio". Ĝi kunlaboris en la Internacia Laborista Asocio (AIT-Asociación Internacional de los Trabajadores) ĝis la 2010-aj jaroj. Pro tio, la kunligo de sigloj CNT-AIT estis ofte uzata. Nun la sindikato uzas nur la mallongigon "CNT" dum apartigintaj lokaj sindikatoj ankoraŭ uzas la mallongigon "CNT-AIT".
La sindikato CNT estis fondita la jaron 1910 en Barcelono, kiel unuiĝo de la laboristaj societoj ne ligitaj al la socialdemokratiaj tendencoj. De tiam CNT sekvas fidela al la anarkiaj-sindikatismaj principoj kiuj ĉiam reprezentis ĝin, kaj sin konsideras la nura heredanto en la Hispana Ŝtato de la "1-a Internacio"-spirito.
En CNT ne decidas profesiaj sindikatistoj, sed nur la aliĝintaj laboristoj. Por konservi sian ekonomian sendependecon, ĝi ne akceptas financan subtenon de la ŝtato aŭ de entreprenistoj.
Siajn celojn, principojn kaj celgrupon la organizaĵo mem prezentas tiel:
CNT sin konsideras, nuntempe, la nura sindikato en la Hispana Ŝtato tute sendependa de politikaj direktigoj, en kiu tiuj, kiuj decidas estas la aliĝintaj laboristoj kaj ne komitaton de sindikatismistoj, kiu rezignas je financado de Ŝtato kaj Mastraro, por teni sian ekonomikan sendependon, kaj kiu ne lasas la intertrakadoj al perantoj. CNT-aliĝintoj estas ĉiuj tiuj laboristoj, kiuj sin sentas ekspluatitaj fare de siaj mastroj, kaj ili vidas kiel tago post tago siaj rajtoj estas neagnoskitaj, dume privilegiita klaso anoncas senhonte la kreskadon de siaj profitoj. Por helpi al atingadi iliajn celojn, kaj komprenante, ke la kreskanta tutmondiĝo de ekonomio estas fenomeno, kiun laboristoj ne povas ignori, CNT kunsocietiĝas kun aliaj memcelaj tutmondaj laboristaj organizaĵoj, ene de la Internacia Asocio de Laboristoj. Aliflanke, en CNT ne estas korifeoj kiuj diktas la organizaciojn-regulojn, sed estas ĉiuj la aliĝintaj laboristoj kiuj alportas sian energion kaj siajn ideojn por funkciigi ĝin ĉiutage.
CNT estis dum la jardekoj de 1910 al 1939 la ĉefa sindikato en Hispanio, kun speciala forto inter la industriaj laboristoj de Katalunio kaj la kamparanoj de Andaluzio.
Ĝi estis pure sindikatisma orkanizo, malema al partipolitika agado. Tio ne malhelpis la agadon de diversaj tendencoj, kiuj aktivis en ĝia sino aŭ en la medioj proksimaj al ĝi.
En 1919 okazis la grava Striko de La Kanada.
La plej revoluciema alo formis ag-organizon nomatan FAI (Anarkiista Iberia Federacio), kiu havis fortan influon en ĝiaj vicoj. Tiel, la kunligo CNT/FAI aŭ CNT-FAI estas forte uzata por la movado dum la 30-aj jaroj. La plej konata aktivulo de tiu organizo estis Buenaventura Durruti. Aliaj famaj estis Juan García Oliver kaj Federica Montseny.
Alia grupo pli modera formis la t.n. Sindikatisman Partion, kiu estis parto de la Popolfronto en la elektoj de 1936.
CNT tre ĉefrolis dum la Hispana Enlanda Milito, kiam ĝi impulsis socian revolucion.
Dum la frankista diktaturo la sindikato suferis fortan subpremon, kaj apenaŭ rolis post la 50-aj jaroj.
Post la restarigo de demokratio, anarĥiistaj rondojn reorganiziĝis. Tamen, ili ne atingis la saman forton. Krome, efikis divido inter la tendenco pli historia, kiu rifuzis la politikan agadon kaj la partoprenon eĉ en la sindikataj elektoj, kaj alia kiu pretis partopreni en elektoj ene de la entreprenoj. La lasta grupo skismiĝis kaj formis alian sindikaton nomatan CGT.
CNT plu aktivas en la laboristaj rondoj. Laŭ propra takso: "Precipe en la Ŝipkonstruejo de Puerto Real, la Atomenergia centro de Lemóniz kaj en Pedrera kaj ĉirkaŭaĵo CNT sukcesis efike aktivigi laboristojn kaj agrokulturistojn por komunaj agado kaj lukto."
La CNT organiziĝas laŭ lokaj sindikatoj (en vilaĝoj kaj urbetoj plej ofte nur po unu, dum en grandurboj povas esti kelkaj depende de la laborbranĉoj), kiuj siavice organiziĝas en dekunu regionaj federacioj (dum multaj jaroj ekde la Hispana Enlanda Milito) funkciis ankaŭ krome regiona federacio por la ekstero, ĉefe en Fancio, sed ne nur). La reprezentantoj de la regionaj federacioj kunvenas kelkajn fojojn jare (Konfederacia Plenumo) por necesaj decidoj. La reprezentantoj de la lokaj sindikatoj kunvenas po unu foje kongrese en kelkaj jaroj kaj tie oni markas la agadliniojn kaj ĝeneralan sintenon de la sindikato.
La ĉefaj komunikiloj de la CNT estis la gazeto "cnt" kaj nun la retejo (vidu sube).
CNT (Confédération Nationale du Travail) ekzistas ankaŭ en Francio kaj en Belgio (CNT-NCA) sur la samaj bazoj. En Germanio la sindikato frata de CNT kaj same membro de ILA nomiĝas FAU-IAA (Freie ArbeiterInnen-Union - Internationale ArbeiterInnen-Assoziation / Libereca Gelaboristo-Sindikato - Internacia Gelaboristo-Asocio).
En 2016 ILA dissplitiĝis kaj la CNT kune kun FAU kaj aliaj organizoj fondis novan internacian konfederacion nome Internacia Konfederacio de Laboro.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
