From Wikipedia, the free encyclopedia
Bobby DRISCOLL (la 3an de marto 1937 - la 31an de marto 1968) estis usona kina kaj televida aktoro, kiu iĝis fama kiel mirinfano en la 1940-aj jaroj. Lia kariero eksplodis kiel infano kaj kraŝis kiel plenkreskulo, ĝis lia morto kiel anonimulo en la aĝo de 31.
| Bobby Driscoll | |||||
|---|---|---|---|---|---|
 | |||||
| Persona informo | |||||
| Bobby Driscoll | |||||
| Naskonomo | Robert Cletus Driscoll | ||||
| Naskiĝo | 3-an de marto 1937 en Cedar Rapids | ||||
| Morto | 30-an de marto 1968 (31-jaraĝa) en Orienta Vilaĝo | ||||
| Mortis pro | Naturaj kialoj  vd | ||||
| Mortis per | Kora malsufiĉo vd | ||||
| Tombo | City Cemetery (en)  vd | ||||
| Lingvoj | angla vd | ||||
| Ŝtataneco | Usono vd | ||||
| Alma mater | University High School (en) profesia lernejo Hollywood vd | ||||
| Profesio | |||||
| Okupo | aktoro filmaktoro voĉaktoro televida aktoro teatra aktoro animaciisto vd | ||||
| Aktiva dum | 1943–1965 vd | ||||
| |||||
| vd | Fonto: Vikidatumoj | ||||
Bobby naskiĝis en la urbo Cedar Rapids en Iovao kaj kvarjaraĝa li translokiĝis kun sia familio al Los-Anĝeleso. Tie li trapasis ekranteston kaj ricevis sian unuan rolon en kino en la filmo The Lost Angel. En 1946 li ludis en la filmo So Goes My Love [1][2].
Walt Disney signis lin al kontrakto kaj en 1946 Bobby ĉefrolis en la filmo Song of the South kiu kombinis aktoradon kaj animacion kaj lia kariero ekis. En la sama jaro, li ludis ĉefrolon en la filmo So Dear to my Heart por kiu li estis nomumita por Akademia Premio por Junularo sed kiu ne estis disdonita tiun jaron [3][4][5][6].
Bobby estis pruntedonita al RKO por partopreni la filmon The Window en la rolo de Tommy, knabo kun evoluinta fantazio kiu rigardas murdon kaj neniu kredas lin. La filmo estis granda sukceso kaj Bobby gajnis la Akademian Premion por Junularo por So Dear to My Heart kaj The Window. Ĉi tiu premio estis disdonita en la jaroj 1934-1960 kaj dek du ludantoj gajnis ĝin. La premio estis donita al li de Donald O'Connor [7][8].
En 1950 li rolis kiel Jim Hawkins en la Treasure island de Disney kaj lia kariero pintis en tiu ĉefrolo. Lia lasta rolo en la Disney-studioj estis sinkronigi Peter Pan en la desegnofilmo Peter Pan (1953).
Li tiam estis maldungita kaj lia kariero komencis malkreski. Li aperis en negravaj filmoj kaj radio- kaj televidspektakloj. Li komencis uzi drogojn kaj partoprenis plurajn rabojn, pro kiuj li plenumis sesmonatan malliberecan punon.
En 1956 li geedziĝis kun Marilyn Jean Rush kaj ili havis du filinojn kaj filon. Ili divorcis en 1960.
En 1965 li translokiĝis al Novjorko kaj estis membro de la laborrenkontiĝo "Factory" de Andy Warhol. Lia ĝenerala stato plimalboniĝis pro droguzado.
La 30-an de marto 1968, Driscoll estis trovita morta en forlasita konstruaĵo en la East Village. Nekropsio montris ke li mortis pro drog-induktita kora malsufiĉo. Li ne estis identigita kaj estis entombigita en tombejo por anonimuloj sur Hart Island, proksime de la Bronkso. Neniu interesiĝis pri li.
Nur post 19 monatoj lia patrino interesiĝis pri li ĉar ŝi volis, ke li renkontu sian mortantan patron. Kun la helpo de fingrospuroj kiujn la polico havis de malliberigo kaj lia kadavro, la nekonata viro estis identigita kiel Bobby Driscoll kaj tomboŝtono estis metita sur lian tombon.
Bobby Driscoll havas stelon sur la Trotuaro de famo en Holivudo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
