William Glyn

William Glyn neu William Glynn (1504 - 21 Mai 1558) oedd Esgob Bangor o 1555 hyd ei farw. Ef oedd yr esgob Catholig olaf ym Mangor.^[1]

William Glyn
Ganwyd	1504  Heneglwys
Bu farw	21 Mai 1558
Dinasyddiaeth	Cymru
Alma mater	Coleg y Breninesau, Caergrawnt
Galwedigaeth	offeiriad Catholig, esgob Catholig
Swydd	is-ganghellor, Esgob Catholig Bangor

Bywgraffiad

Ganed Glyn yn Heneglwys, Ynys Môn, yn fab i John Glyn. Addysgwyd ef yng Ngholeg y Breninesau, Caergrawnt. Mae'n ymddangos iddo gydymffurfio a newidiadau crefyddol y brenin Harri VIII, er iddo ymddiswyddo o gadair ei goleg yn ystod teyrnasiad Edward VI. Pan ddaeth y frenhines Mari i'r orsedd, daeth yn llywydd Coleg y Breninesau yn 1553, ac yr oedd yn un o'r rhai a yrrwyd i ddadlau â Nicholas Ridley a Hugh Latimer yn 1554. Aeth i Rufain yn 1555, ac yn ddiweddarach y flwyddyn honno penodwyd ef yn Esgob Bangor. Gwasanaethodd fel Uchel Siryf Sir Gaernarfon ym 1562

Gadawodd fab o'r enw Gruffydd Glyn, fu hefyd yn Siryf Sir Gaernarfon ym 1564. Penodwyd Morys Clynnog yn Esgob Bangor fel olynydd iddo, ond bu farw'r frenhines Mari a bu raid iddo ffoi i Rufain cyn cael ei gysegru.

Cyfeiriadau

1. William George Searle (1867). The History of the Queens' College of St. Margaret and St. Bernard in the University of Cambridge (yn Saesneg). Deighton, Bell & Company. t. 249.