Tesla Model S

Car salŵn cwbwl-drydan yw Tesla Model S gyda'i bum drws liftback, ac a gynhyrchwyd yn gyntaf ym Mehefin 2012 gan Tesla Motors.^[11] Sgoriodd y sgor uchaf o 5.0 yn rhestr y National Highway Traffic Safety Administration (NHTSA) o ran diogelwch. Fe'i dilynwyd yn 2015 gan y Tesla Model X, sy'n yrriant 4-olwyn gyda dau fodur trydan. Erbyn 2016 roedd y gyfres yn cynnwys modelau 60 (tua £59,280), 600, 75, 750, 900 a'r P1000 (tua £123,280). Nid oes ganddo injan petroliwm (heibrid), ac erbyn 2017 roedd gan y Model S hefyd ddwy fodur a marchnerth o 789 bhp; gallai deithio 0-62 mewn 2.5 eiliad, ar ei orau - sy'n gynt nag ambell supercar - a 5.5 gan y model 60, y rhataf.

Tesla Model S
Trosolwg
Gwneuthurwr	Tesla Motors
Enw arall	Enw cynhyrchu: WhiteStar[1][2][3]
Cynhyrchu	2012–presennol
Sawl blwyddyn	2012–presennol
Gosod	Unol Daleithiau'r America: Fremont, California, California (Ffatri Tesla) Ewrop: Tilburg, yr Iseldiroedd
Cynllunydd	Franz von Holzhausen
Corff a siasi
Dosbarth	Car-llawn, moethus
Math o gorff	5-drws
Trefn	Modur yn y cefn, gyriant cefn Dau fodur trydan, gyriant 4-olwyn (model D)
Perthnasol	Tesla Model X
Pwer
Modur trydan	Allgynnyrch cyfan y cefn a'r blaen: hyd at 762 bhp (568 kW), 687 tr·pwys (931 N·m), modur teirgwedd AC
Trosglwyddiad	gêr 1-cyflymder (9.73:1)
Batri	60, 70, 85 or 90 kWh lithiwm-ion[4]
Dim ond ar drydan	70 kWh (250 MJ) 240 mi (390 km) (EPA) 85 kWh (310 MJ) 265 mi (426 km) (EPA) 310 mi (500 km) (NEDC[5])
Gorsaf bweru	ailwefrydd 11 kW 85–265 V am 1ϕ 40 A neu 3ϕ 16 A opsiwn ychwanegol: Gwefrydd deuol 22 kW am 1ϕ 80 A neu 3ϕ 32 A[6] on IEC Type 2 inlet[7] Swpyr-gwefrydd 120 kW DC ailwefru mewnol, addasydd ar gyfer socedi AC arferol y cartref (110–240 V)
Maint
Pellter rhwng echelydd (Wheelbase)	2,959 mm (116.5 mod)
Hyd	4,976 mm (195.9 mod)
Lled	1,963 mm (77.3 mod)
Uchder	1,435 mm (56.5 mod)
Pwysau pafin	1,961 kg (4,323 lb) (60)[8] 2,085 kg (4,597 lb) (60D)[9] 2,090 kg (4,608 lb) (70D)[10] 2,108 kg (4,647 lb) (85) 2,188 kg (4,824 lb) (85D)[9] 2,239 kg (4,936 lb) (P85D)[9]
Chronology
Rhagflaenydd	dim
Olynydd	heb ei gyhoeddi

Yn 2012, gyda bateri 85 Kw/awr (kWh) (310 MJ) roedd yn medru teithio am bellter o 265 milltir (426 km), pellach nag unrhyw gar cwbwl-drydan arall ar y pryd.^[12][13][14] Roedd yn defnyddio tanwydd ar raddfa o 237.5 watt-awr y kilometr (38 kWh/100 mi neu 24 kWh/100 km) sy'n rhoi 89 milltir y galwyn (cyfwerth petrol (2.64 L/100 km neu 107 mpg-imp).^[12][15] Erbyn 2017 gallai deithio 300 milltir heb ei ailwefru.

Daeth Model S yn gar a gipiodd frig y siartiau gwerthiant cyn pen dim, a hynny ym mhob gwlad lle'i gwerthwyd. Bu ar y brig yn Norwy ddwywaith, ym Medi ac eto yn Rhagfyr 2013.^[16][17][18] Bu ar frig y ceir a werthwyd yn Denmarc hefyd, yn 2015. Yn 2015 gwerthwyd mwy o'r Tesla Model S nag unrhyw gar trydan arall, drwy'r byd.^[19] Erbyn Rhagfyr 2015 roedd y gwerthiant byeang dros 100,000 uned.^[20]

Rhwng Haf 2016 a Mawrth 2017, rhoddodd y cylchgrawn gwerthuso ceir Top Gear 9 marc allan o 10 i'r Tesla Model S; prin iawn oedd y ceir a gafodd cymaint o farciau, a dim un yn uwch na hynny. Derbyniodd y Tesla Model X 8 allan o 10.^[21] Broliwyd ei gyflymiad, y tu fewn ac ansawdd y reid.

Gweler hefyd

• Car solar
• Cerbyd trydan heibrid
• Brecio atgynhyrchiol
• Cerbyd trydan batri
• Nissan Leaf