Serbeg

Iaith a siaredir yn Serbia a rhai gwledydd cyfagos yw Serbeg. Mae'n iaith swyddogol yn Serbia, a cheir cryn nifer o siaradwyr mewn gwledydd fel Bosnia a Montenegro. Credir fod tua 12 miliwn yn siarad yr iath, 8 miliwn o'r rhain yn ei siarad fel mamiaith.

Serbeg

Enghraifft o:	amrywiolyn iaith, standard variety, iaith
Math	Eastern Herzegovinian
Enw brodorol	српски језик
Nifer y siaradwyr	9,000,000
cod ISO 639-1	sr
cod ISO 639-2	srp
cod ISO 639-3	srp
Gwladwriaeth	Serbia, Montenegro, Bosnia a Hertsegofina, Croatia, Cosofo, Gogledd Macedonia
System ysgrifennu	Serbian Cyrillic alphabet, Gaj's Latin alphabet
Corff rheoleiddio	Board for Standardization of the Serbian Language
Ffeiliau perthnasol ar Gomin Wicimedia

Serbeg (2006)

Mae Serbeg yn rhan o'r grŵp o ieithoedd De Slafonig a elwir wrth yr enw Serbo-Croateg, sydd hefyd yn cynnwys Croateg, Bosnieg a Montenegreg. Arferid meddwl am Serbo-Croateg fel un iaith, ac mae llawer o ieithyddwr yn y gorllewin yn dal i ystyried fod hyn yn wir. Fodd bynnag, gyda diflaniad Iwgoslafia, daethpwyd i feddwl am Serbeg, Bosnieg a Chroateg fel ieithoedd ar wahân, er eu bod cywair safonol pob un yn seiliedig ar yr un dafodiaith yn union. Gellid disgrifio Serbeg, Bosnieg a Montenegreg fel amrywiaethau ieithyddol, sydd ag enw gwahanol ac wedi eu safoni ar wahân.

Un wahaniaeth rhwng Serbeg a ieithoedd eraill y grŵp yw ei bod modd ei hysgrifennu gyda'r wyddor Gyrilig; mae'r mwyafrif o siaradwyr Serbeg yn deall ac yn defnyddio'r ddwy wyddor.

Y ddwy wyddor

Mae trefn gwahanol i lythrennau'r wyddor, gan ddibynnu ar ba wyddor a ddefnyddir:

Yr wyddor Gyrilig Serbeg, ćirilica (ћирилица) neu azbuka (азбука):

• А Б В Г Д Ђ Е Ж З И Ј К Л Љ М Н Њ О П Р С Т Ћ У Ф Х Ц Ч Џ Ш

Yr wyddor Ladin, latinica (латиница) neu abeceda (абецеда):

• A B C Č Ć D Dž Đ E F G H I J K L Lj M N Nj O P R S Š T U V Z Ž

Enghraifft o ddefnydd cyfochrog y ddwy wyddor yw'r Wikipedia Serbeg - dechreuodd y prosiect gan ddefnyddio'r wyddor gyrilig yn unig, ond erbyn hyn, mae meddalwedd yn galluogi dewis pa wyddor i'w ddefnyddio wrth ddarllen.

Eginyn erthygl sydd uchod am iaith. Gallwch helpu Wicipedia drwy ychwanegu ato.

Chwiliwch am serbeg
yn Wiciadur.