cyfarwyddwr ffilm a chynhyrchydd a aned yn Deiniolen yn 1937 From Wikipedia, the free encyclopedia
Cyfarwyddwr a chynhyrchydd ffilmiau Cymraeg oedd Gareth Wynn Jones (1937 – Awst 2007). Roedd ei gwmni teledu Ffilmiau'r Tŷ Gwyn yn gyfrifol am gyfresi cynnar S4C fel Barbarossa, Cysgodion Gdansk a Lleifior. Bu'n gyfrifol am gynyrchiadau o addasiadau dramâu Saunders Lewis fel Sigarét a Brâd.
| Gareth Wynn Jones | |
|---|---|
 | |
| Ganwyd | 1937  Deiniolen |
| Bu farw | 2007 Llanllyfni, Gwynedd |
| Dinasyddiaeth |  Cymru |
| Galwedigaeth | cynhyrchydd ffilm, cyfarwyddwr ffilm |
| Adnabyddus am | Barbarossa |
Ganwyd ef ym mhentref Deiniolen yn 1937, ac yn ystod ei yrfa hir yn y cyfryngau gweithiodd gyda BBC Cymru a HTV cyn sefydlu ei gwmni ffilmiau annibynnol Ffilmiau’r Tŷ Gwyn, yn Llanllyfni, Gwynedd. Yn ystod ei gyfnod gyda'r BBC, bu'n cynorthwyo gyda sefydlu'r gyfres materion cyfoes Wales Today yn cydweithio'n agos gyda Vincent Kane.
Rhwng 1971 a 1973 bu'n cynorthwyo i sefydlu Singapore Broadcasting, ac yn cydweithio gyda llywodraeth Singapôr a staff y Llysgenhadaeth Brydeinig yno i sicrhau darlledu o safon. Tra yn HTV, bu Gareth yn gweithio ar sawl cynhyrchiad nodedig gan gynnwys y rhaglen arobryn am Frank Letch, fu'n rhan o'r gyfres Bywyd a Lloyd George gyda Ian Holm a Curious Journey gyda Kenneth Griffith.
Rhwng 1978 a 1981, Gareth oedd Cadeirydd Bwrdd Ffilmiau Cymraeg, fu'n cynhyrchu amrywiaeth o ffilmiau gan gynnwys Teisennau Mair, a enillodd wobr y Ffilm Orau yn yr Ŵyl Ffilm Geltaidd ym 1980. O 1982 hyd ei ymddeoliad ym 1997, cyfarwyddodd sawl cyfres nodedig i S4C gan gynnwys Cysgodion Gdansk (1987), Barbarossa (1989), a dwy gyfres o Lleifior.
Roedd Gareth yn briod ac Enid ac roedd ganddynt bedwar o blant. Roedd hefyd yn gogydd o safon, yn arbenigwr o winoedd ac yn deithiwr brwd. Bu farw ym mis Awst 2007.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
