Uwchgynhadledd yr G7, 2021
From Wikipedia, the free encyclopedia
Cynhaliwyd 47ain Uwchgynhadledd yr G7 o Ddydd Gwener 11 Mehefin i Ddydd Sul 13 Mehefin 2021 yn Carbis Bay (Porth reb Tor), Cernyw, yn y Deyrnas Unedig a oedd yn llywyddu'r fforwm y flwyddyn honno. Cyfarfu pennau llywodraethol y saith gwlad sydd yn aelodau'r G7: Boris Johnson, Prif Weinidog y Deyrnas Unedig; Joe Biden, Arlywydd Unol Daleithiau America; Angela Merkel, Canghellor yr Almaen; Emmanuel Macron, Arlywydd Ffrainc; Yoshihide Suga, Prif Weinidog Japan; Mario Draghi, Prif Weinidog yr Eidal; a Justin Trudeau, Prif Weinidog Canada. Yno hefyd bu Ursula von der Leyen, Arlywydd y Comisiwn Ewropeaidd, a Charles Michel, Arlywydd y Cyngor Ewropeaidd, y ddwy swydd a wahoddir fel rheol i gynrychioli'r Undeb Ewropeaidd yn yr uwchgynhadledd. Gwahoddwyd hefyd arweinwyr o bedair gwlad arall—Narendra Modi, Prif Weinidog India (a gyfranogai o bell oherwydd yr argyfwng COVID-19 yn ei wlad); Cyril Ramaphosa, Arlywydd De Affrica; Moon Jae-in, Arlywydd De Corea; a Scott Morrison, Prif Weinidog Awstralia—ac António Guterres, Ysgrifennydd Cyffredinol y Cenhedloedd Unedig. Hon oedd uwchgynhadledd gyntaf yr G7 ers 2019; ni chynhelir yr 46ain uwchgynhadledd arfaethedig, a oedd i gael ei chynnal yn Camp David dan lywyddiaeth yr Unol Daleithiau ym Mehefin 2020, oherwydd pandemig COVID-19. Hon oedd yr uwchgynhadledd gyntaf a fynychwyd gan yr Arlywydd Biden a'r Prif Weinidogion Suga a Draghi.
Delwedd:P20210611AS-0528 (51269443335).jpg, Family photo of G7 leaders and the invited guests at Carbis Bay (1).jpg | |
![]() | |
Enghraifft o'r canlynol | G7 summit ![]() |
---|---|
Dechreuwyd | 11 Mehefin 2021 ![]() |
Daeth i ben | 13 Mehefin 2021 ![]() |
Rhagflaenwyd gan | 46th G7 summit ![]() |
Olynwyd gan | 48th G7 summit ![]() |
Lleoliad | Carbis Bay ![]() |
![]() | |
Gwefan | https://www.g7uk.org/ ![]() |
![]() |
![Thumb image](http://upload.wikimedia.org/wikipedia/commons/thumb/a/a8/P20210611AS-0528_%2851269443335%29.jpg/640px-P20210611AS-0528_%2851269443335%29.jpg)
Erbyn diwedd y penwythnos, cytunodd arweinwyr yr G7 i gyhoeddi communiqué diplomyddol yn crynhoi eu hagenda:
- i ddarparu biliwn yn fwy o frechlynnau i wledydd tlawd er mwyn ymdopi â'r pandemig COVID-19;
- i hyrwyddo twf economaidd a swyddi mewn gwledydd tlawd;
- i roi "chwyldro gwyrdd" ar waith i atal newid hinsawdd, gan gynnwys i gyfyngu ar y cynnydd mewn tymereddau byd-eang, i leihau gollyngiadau i sero net erbyn 2050, ac i warchod o leiaf 30% o diroedd a moroedd y byd erbyn 2030;
- yn galw ar Weriniaeth Pobl Tsieina i barchu hawliau dynol; ac
- yn galw am astudiaeth gan Gyfundrefn Iechyd y Byd i ymchwilio i darddiant y firws SARS-CoV-2.[1]