Tîm pêl-droed cenedlaethol Yr Alban

Mae Tîm pêl-droed cenedlaethol Yr Alban (Saesneg: Scottish national football team) yn cynrychioli Yr Alban yn y byd pêl-droed ac maent yn dod o dan reolaeth Cymdeithas Bêl-droed Yr Alban (Saesneg: Scottish Football Association) (SFA), corff llywodraethol y gamp yn y wlad. Mae'r SFA yn aelodau o gonffederasiwn Pêl-droed Ewrop (UEFA).

Yr Alban

Conffederasiwn	UEFA (Ewrop)
Hyfforddwr	Gordon Strachan
Is-hyfforddwr	Mark McGhee Stuart McCall
Mwyaf o Gapiau	Kenny Dalglish (102)
Prif sgoriwr	Kenny Dalglish (30) Denis Law (30)
Cod FIFA	SCO
Lliwiau Cartref Lliwiau Oddi Cartref
Gêm ryngwladol gynaf
Yr Alban 0–0 Lloegr (Partick, Yr Alban; 30 Tachwedd 1872)
Y fuddugoliaeth fwyaf
Yr Alban 11–0 Iwerddon (Glasgow, Yr Alban; 23 Chwefror 1901)
Colled fwyaf
Wrwgwái 7–0 Yr Alban (Basel, Y Swistir; 19 Mehefin 1954)
Cwpan FIFA y Byd
Ymddangosiadau	8 (Cyntaf yn 1954)
Pencampwriaeth UEFA Ewrop
Ymddangosiadau	2 (Cyntaf yn 1992)
Canlyniad gorau	8 olaf, 1992

Yr Alban a Lloegr ydi'r ddau dîm hynnaf yn y byd, gyda'r ddwy wlad yn cwrdd yn y gêm bêl-droed rhyngwladol gyntaf ym 1872^[1]. Mae'r Alban wedi chwarae yn rowndiau terfynol Cwpan y Byd ar wyth achlysur ac ym Mhencampwriaethau Ewrop ddwywaith.

Kenny Dalglish sydd â'r record am y nifer fwyaf o ymddangosiadau dros Yr Alban ar ôl chwarae 102 o weithiau rhwng 1971 a 1986^[2]. Sgoriodd Dalglish 30 o goliau dros ei wlad ac mae'n rhannu'r record fel prif sgoriwr Yr Alban gyda Denis Law^[2].

Hanes

Yr Alban a Lloegr yw'r timau cenedlaethol hynnaf yn y byd gyda'r ddwy wlad yn wynebu ei gilydd mewn gêm ddi-sgôr yn Partick, Yr Alban ar 30 Tachwedd 1872^[3]. Roedd yr unarddeg chwaraewr gynrychiolodd Yr Alban yn y gêm gyntaf yn erbyn Lloegr yn chwarae i glwb amatur Queen's Park o Glasgow^[3]. Dros y blynyddoedd nesaf chwaraewyd gemau yn erbyn Cymru - y cyntaf ym 1876^[4] ac Iwerddon - y cyntaf ym 1884^[5] fel rhan o Bencampwriaeth Prydain.

Cyfeiriadau

1. "A sporting nation". BBC Scotland.
2. "International Roll of Honour". Scottish Football Association. Archifwyd o'r gwreiddiol ar 2009-03-13. Cyrchwyd 2015-07-21.
3. "The first international football match". BBC Scotland. BBC.
4. "The Story of Welsh football". Wrexham.gov.uk.
5. "North. Ireland national football team v all opponents in all times". eu-football.info.

Dolenni allanol

• (Saesneg) Cymdeithas Pêl-droed yr Alban