فیلمێکی درامیی مێژوویی ٢٠١١ لە دەرھێنانی ماڕتن سکۆڕسێزی From Wikipedia, the free encyclopedia
ھوگۆ (بە ئینگلیزی: Hugo) فیلمێکی درامیی سەرکێشی ئەمریکیی ٢٠١١یە[5] لە دەرھێنان و بەرھەمھێنانی ماڕتن سکۆڕسێزی، و سیناریۆنووسینی جۆن لۆگەن. لە کتێبی ٢٠٠٧ی داھێنانەکەی ھوگۆ کابرێتی برایەن سێلزنیکەوە وەرگیراوە، کە چیرۆکی کوڕێک دەگێڕێتەوە کە بە تەنھا لە وێستگەی شەمەندەفەری گەیر مۆنتپارناس دەژیێت لە پاریس لە ١٩٣٠ەکان، کە تێوەدەگلێت لە نھێنیی دەوروبەری کۆتا خۆگەڕی باوکی و فیلمسازی ڕچەشکێن جۆرجس مێلیێس.
| ھوگۆ | |
|---|---|
 پۆستەری سینەمایی | |
| دەرھێنەر | ماڕتن سکۆڕسێزی |
| بەرھەمھێنەر |
|
| شانۆنامە |
|
| ئەکتەران |
|
| مۆسیقا | ھاوەرد شۆر |
| وێنەگری سینەمایی | ڕۆبێرت ڕیچاردسن |
| مۆنتاژ | تێلما شوونماکەر |
| کۆمپانیای بەرھەمھێنەر |
|
| بڵاوکردنەوە | پاراماونت پیکچەرز |
| دەرچوون |
|
| ماوەی فیلم | ١٢٦ خولەک[1] |
| وڵات | ویلایەتە یەکگرتووەکان[1][2][3] |
| زمان | ئینگلیزی |
| تێچوون | $١٥٠–١٧٠ ملیۆن[4] |
| داھات | $١٨٥٫٨ ملیۆن[5] |
ھوگۆ یەکەم فیلمی سکۆڕسێزییە کە بە سێ ڕەھەندی وێنەگیرابێت، کە فیلمسازەکە دەربارەیەوە وتوویەتی، «سێ ڕەھەندیم زۆر بەلاوە ناوازە بوو، چونکە ئەکتەرەکان زۆر دیارتر بوون لە ڕووی ھەستییەوە. بچووکترین جوڵەیان، بچووکترین مەبەستیان بەسەرنجترەوە ھەڵگیراوەتەوە.»[6] فیلمەکە لە ٢٣ی تشرینی دووەمی ٢٠١١ لە ویلایەتە یەکگرتووەکان بڵاوبووەوە.[7]
ھوگۆ ١١ پاڵاوتنی لە خەڵاتی ئۆسکار ھەبوو (وەک باشترین فیلم)، کە لە ھەموو فیلمەکانی ئەو ساڵە زیاتر بوو، و پێنجیانی بردەوە: باشترین سینەماتۆگرافی، باشترین دەرھێنانی ھونەری، باشترین تێکەڵکردنی دەنگ، باشترین مۆنتاژی دەنگی، و باشترین ڤیژوەڵ ئێفێکت.[8] ھەروەھا پاڵێورا بۆ ھەشت بافتا، و دووانی بردەوە، و پاڵێورا بۆ سێ خەڵاتی گۆڵدن گڵۆب، کە بووە سێیەم خەڵاتی گۆڵدن گڵۆب بۆ باشترین دەرھێنەری سکۆڕسێزی. جیا لە دەستخۆشیی ڕەخنەگران، فیلمەکە تەقینەوەیەکی بۆکس ئۆفیس بوو، بە کۆکردنەوەی تەنھا $١٨٥ ملیۆن بەرامبەر بودجە $١٥٠ ملیۆنەکەی.
لە ١٩٣١، ھوگۆ کابرێت، کوڕێکی تەمەن ١٢ ساڵ لەگە باوکی دەژیێت، باوکی کەسێکی بێوەبووە، کەسێکی میھرەبانە و کاری دروستکردنی کاتژمێرە لە پاریس، باوکی ھوگۆ ئەو دەبات بۆ بینینی فیلمەکان، ئەو زۆر حەزی لە فیلمەکانی «ژۆرژو مێیلیێس» ە. باوکی ھوگۆ لەکاتی ئاگرکەوتنەوە لە مۆزەخانەیەک دوسووتێت و دەمرێت. پاشان مامی دەیباتە لای خۆی، مامی کەسێکە بەردەوام خواردنەوە کحوولییەکان دەخواتەوە و بەرپرسە لە چاککردنەوەی کاتژمێرەکانی وێستگەی شەمەندەفەری (Gare Montparnasse). مامی فێری چۆنیەتیی ئاگاداربوونی کاتژمێرەکانی دەکات، دواتر مامی بزردەبێت. ھوگۆ لەنێوان دیوارەکانی وێسگەکە دەژیێت، کاتژمێرەکان چاکدەکاتەوە و بەردەوامیان پێدەدات، خۆراک دەدزێت و کار دەکات لەسەر ئەو پڕۆژەیەی کە گەورەترین ئاواتی باوکی بوو: چاککردنەوەی ئامێرێکی خۆبزوێنی شکاو - ئامێرەکە پیاوێکی میکانیکییە کە ئەرکەکەی نووسینە بە پێنووسێک، ھوگۆ پارچە میکانیکییەکان لە وێستگەکە دەدزێت بۆ چاککردنەوەی ئامێرەکە. بەڵام لەلایەن پیاوێکی خاوەن دووکانی یارییەوە لە وێستگەکە دەگیرێت و پیاوەکە دەفتەرەکەی لێ وەردەگرێت کە زانیاری تێدایە لەبارەی ئامێرە خۆبزوێنەکەیەوە. ئامێرەکە بەشێکی بزربووە، کە کلیلێکە سەرەکەی لە شێوەی دڵە. ھوگۆ دەگاتە ئەو باوەڕەی کە ئامێرەکە پەیامێکی پێیە لەلایەن باوکییەوە، ئەو بەردەوام دەبێت لە ھەوڵەکەی بۆ چاککردنەوەی ئامێرەکە. دواتر ھوگۆ لەلایەن کچێکەوە یارمەتی دەدرێ بەناوی ئیزەبێل، کچەکە ھاوتەمەنیەتی و نەوەی خاوەنی دووکانی یارییەکەیە. ئەو ئیزەبێڵ ئاشنا دەکات بە فیلمەکان، کە پێشتر باپیری ھەرگیز ڕێی نەداوە بە بینیان. دواتر ھوگۆ کلیلەکە دەبینێتەوە کە لەلای ئیزەبێلە، و کاتێک ئەوان کلیلەکە بەکاردێنن بۆ چالاککردنی خۆبزوێنەکە، ئامێرەکە وێنەی دیمەنی فیلمێک دەکێشێت، کە ھوگۆ دیمەنەکەی بیردەکەوێتە کە پێشتر باوکی بۆی باسکردبوو. ئەوان فیلمەکە دەدۆزنەوە کە لەلایەن ژۆرژو مێیلیێس دروستکراوە، باپیری ئیزەبێل، کە پێشتر یەکێک بووە لە سینەماکارە ناودارەکان (بەڵام ئێستا کارەکەی فەرامۆشکردووە و وازی لێ ھێناوە). ئامێرە خۆبزوێنەکە یەکێک بووە لە شتە خۆشەویستەکانی، لەو ڕۆژانەی کە کاری جادووگەری بووە. لە کۆتاییدا، منداڵەکان ڕابردووی ژۆرژو زیندوودەکەنەوە و لەگەڵی گرێی دەدەنەوە، لەگەڵ چەرخێکی نوێی سینەما ھەڵدەستێت بە نیشاندانەوەی کارەکانی و پێشوازیێکی گەرمی لێدەکرێت.[9]
ھەر یەک لە مایکڵ پیت، ماڕتن سکۆڕسێزی، جۆنی دێپ، و برایەن سێلزنیک لە ڕۆڵی کامیۆدا دەردەکەون.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
