Tinamou

An tinamoued a zo evned a-orin eus Kreiz ha Suamerika. Tennañ a reont d'ar skilgegi ha d'ar c'hlujiri gant ur c'horf krenndev ha divaskell bihan.

Tinamoued
Un Tinamou digenvez
Rummatadur filogenetek
Riezad :	Animalia
Skourrad :	Chordata
Kevrennad :	Aves
Urzhad :	Tinamiformes
Kerentiad :	Tinamidae
Anv skiantel
Tinamiformes Huxley, 1872
Anv skiantel
Tinamidae G. R. Gray, 1840
D'ar vevoniezh e tenn ar pennad-mañ.

Doareoù pennañ

Dre vras eo gell pe c'hris o fluñv, alies gant brizhennoù pe roudennoù teñval. Bihan eo o fenn ha hir a-walc'h o gouzoug. Diouzh ar spesadoù eo etre 150 g ha 2 kg o fouez, hag etre 15 ha 50 cm o hirder. Berr eo o divaskell ha n'int ket gwall varrek da nijal.

Heñvel eo ar pared ouzh ar parezed.

Boued

Turiañ a reont an douar gant o figos hag en em vagañ diwar greun, gwrizioù, frouezh, artropoded (amprevaned, kevnid...) hag a-wechoù mellkeineged bihan (glazarded, gleskered, logod).

Preizhataet e vezont gant an dud, al lern, an tatoued hag ar skoñsed. Klask a reont en em zifenn diouzh o freizhataerien dre chom difiñv. Pa vezont diskoachet e nijont kuit ha mont da guzh er strouezh un tammig pelloc'h.

Gouennañ

Da vare an embarañ en em vod ar parezed a strolladoù bihan (betek 4 evn) evit klask ur par. Hemañ a ouenn gant ar parezed a zozv pep a 3 pe 4 vi en un neizh savet en un toull, alies e-harz ur wezenn.

Goret e vez ar vioù gant ar par e-pad 20 devezh ha maget ar ploged gantañ ur miz pe zaou.

Annez

Lod eus an tinamoued a vev er c'hoadegoù stank pa vez re all o vevañ e stepennoù krin.

Genadoù ha spesadoù

Tinamidae eo ar c'herentiad nemetañ en urzhiad Tinamiformes.

Nav genad a zo ennañ :

• genad Tinamus
  • an tinamou jave gwenn (Tinamus guttatus),
  • an tinamou bras (Tinamus major),
  • an tinamou du (Tinamus osgoodi),
  • an tinamou digenvez (Tinamus solitarius),
  • an tinamou gris (Tinamus tao).

• genad Nothocercus
  • an Tinamou Bonaparte (Nothocercus bonapartei),
  • Nothocercus julius,
  • Nothocercus nigrocapillus.

• genad Crypturellus
  • Crypturellus atrocapillus,
  • Crypturellus bartletti,
  • an tinamou Berlepsch (Crypturellus berlepschi),
  • Crypturellus boucardi,
  • Crypturellus brevirostris,
  • Crypturellus casiquiare,
  • an tinamou louet (Crypturellus cinereus),
  • Crypturellus cinnamomeus,
  • Crypturellus duidae,
  • Crypturellus erythropus,
  • Crypturellus kerriae,
  • Crypturellus noctivagus,
  • an tinamou gell (Crypturellus obsoletus),
  • Crypturellus parvirostris,
  • Crypturellus ptaritepui,
  • an tinamou bihan (Crypturellus soui),
  • Crypturellus strigulosus,
  • Crypturellus tataupa,
  • Crypturellus transfasciatus,
  • Crypturellus undulatus,
  • Crypturellus variegatus.

• genad Rhynchotus
  • Rhynchotus rufescens,
  • Rhynchotus maculicollis.

• genad Nothoprocta
  • Nothoprocta cinerascens,
  • Nothoprocta curvirostris,
  • Nothoprocta ornata,
  • Tinamou an Andoù (Nothoprocta pentlandii),
  • Nothoprocta perdicaria,
  • Nothoprocta taczanowskii.

• genad Nothura
  • Nothura boraquira,
  • Nothura chacoensis,
  • Nothura darwinii,
  • an tinamou brizh (Nothura maculosa),
  • Nothura minor.

• genad Taoniscus
  • Taoniscus nanus.

• genad Eudromia
  • Eudromia elegans,
  • Eudromia formosa.

• genad Tinamotis
  • Tinamotis ingoufi,
  • Tinamotis pentlandii.

Liammoù diavaez

Commons

Muioc'h a restroù diwar-benn

Tinamou

a vo kavet e Wikimedia Commons.

War Wikispecies e vo kavet ditouroù ouzhpenn diwar-benn:

Tinamidae