From Wikipedia, the free encyclopedia
Danny Elfman pe Daniel Robert Elfman a zo ur sonaozour sinema stadunanat.
.jpg)
| Reizh pe jener | paotr  |
|---|---|
| Bro ar geodedouriezh | Stadoù-Unanet |
| Anv e yezh-vamm an den | Danny Elfman |
| Anv ganedigezh | Daniel Robert Elfman |
| Anv-bihan | Daniel, Robert |
| Anv-familh | Elfman |
| Deiziad ganedigezh | 29 Mae 1953 |
| Lec'h ganedigezh | Los Angeles |
| Mamm | Blossom Elfman |
| Breur pe c'hoar | Richard Elfman |
| Pried | Bridget Fonda |
| Bugel | Oliver Elfman |
| Yezh vamm | saozneg |
| Yezhoù komzet pe skrivet | saozneg |
| Yezh implijet dre skrid | saozneg |
| Bet war ar studi e | University High School |
| Lec'h labour | New York |
| Deroù ar prantad labour | 1972 |
| Relijion | kristeniezh |
| Benveg sonerezh | mouezh |
| List of works | list of compositions by Danny Elfman |
| Pladennrolladur | Danny Elfman discography |
| Ezel eus | Oingo Boingo |
| Tachenn | new wave, ska |
| Label sonerezh | Sony Classical |
| Prizioù resevet | Primetime Emmy Awards, Disney Legends |
| Bet kinniget evit | Academy Award for Best Original Musical or Comedy Score, Academy Award for Best Original Dramatic Score, Academy Award for Best Original Score, Academy Award for Best Original Score |
| Lec'hienn ofisiel | https://www.dannyelfman.com/ |
| Rummad tost | Category:Films scored by Danny Elfman |
Ganet eo bet d'an 29 a viz Mae 1953 e Los Angeles, Kalifornia (SUA). Dimezet eo gant ar gomedianez Bridget Fonda.
Kanet ha sonet en deus er strollad Oingo Boingo, etre 1976 ha 1995. An anv The Mystics Knights Of The Oingo Boingo a oa gant ar strollad da gentañ-tout. Seizh albom zo bet savet ganto. Un eizhvet, So-Lo a oa sinet gant anv Danny Elfman hepken. E-touez kanaouennoù brudetañ ar strollad emañ Weird Science. Implijet e oa bet er film (John Hugues, 1985) hag er rummad-filmoù (1994-1997), ar memes titl Weird Science ganto. Er strollad Oingo Boingo e sone gant unan eus e genlabourerien fealañ, Steve Bartek, a gendalc'h da skoazellañ anezhañ hiziv war e sonskridoù evit ar sinema.
Sonaozour muiañ karet Tim Burton eo. Savet en deus sonerezh eus pep brasañ e filmoù. E vouezh a c'heller klevet ivez er film The Nightmare Before Christmas. Reiñ a ra e vouezh d'an haroz Jack, Barrel (unan eus an tri bugel) hag ar furlukin pa gan an tudennoù-se er film. Kanañ a ra ivez an darn vrasañ eus kanaouennoù ar film Charlie and the Chocolate Factory. Ouzhpenn e genlabour feal gant Tim Burton, en deus skoulmet darempredoù gant ar filmaozerien Sam Raimi ha Gus Van Sant.
Savet en deus ivez meur a don evit an tele, en o zouez tonioù The Simpsons, krouet gant Matt Groening, Tales From The Crypt, The Flash, Dilbert, Desperate Housewives...
E 2004 e savas ton pennañ ar c'hoari video Fable, renet gant Peter Molyneux, evit X-Box Microsoft. Ar peurrest eus ar sonerezh zo bet savet gant Russell Shaw.
D'an 23 a viz C'hwevrer 2005 en deus Danny Elfman tañvaet d'ur mod nevez da sevel ha kinnig e sonerezh. D'an deiz-se e Carnegie Hall e oa bet tu da glevet e sonskrid Serenada Schizophrana. Pedet e oa bet gant an American Composers Orchestra da sevel ur sonskrid. C'hwec'h lodenn zo dezhañ, savet evit laz-seniñ ledan, binvioù elektronek, daou biano ha laz-kanañ merc'hed.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
