Paosanias ar Beajour
From Wikipedia, the free encyclopedia
From Wikipedia, the free encyclopedia
Paosanias (Παυσανίας), lesanvet Periegesis, a oa ur beajour ha douaroniour eus an IIvet kantved hag a veve en amzer an impalaered roman Hadrian, Antoninus Pius ha Marcus Aurelius. Beajiñ a reas dre Azia Vihanañ, Gres, Makedonia, Italia hag Afrika.
Ganet e oa, a greder, e Magnesia, e Lydia, en Azia Vihanañ, war-dro 110, ha meur a wech e veneg e gêr c'henidik en e oberenn. Mervel a reas e Roma war-dro 180.
Brudet eo e oberenn Deskrivadur Hellaz (Ἑλλάδος περιήγησις / (Hellàdos Periègesis), un hir a labour diwar-benn Hellaz kozh, savet diwar ar pezh a wele, ul liamm a bouez etre lennegezh klasel ha hendraouriezh a vremañ. Setu a skriv Andrew Stewart diwar e benn :[1]
Ur skrivagner war e droad, war evezh, dedennet gant ar veurdez hag ar saourusted hag ivez gant gweledoù divoas ha lidoù kevrinus. Dievezh e c'hall bezañ a-wechoù, lavarout traoù diasur, bezañ diroudet gant e ambrougerien pe e notennoù zoken ; koulskoude n'eus arvar ebet war e onestiz, ha n'eus ket par dezhañ evit a sell an dalvoudegezh.
Ganet e oa war-dro ar bloaz 110 e ti Gresianed eus Lydia, hag anaout a rae aod kornôg Azia-Vihanañ, met beajiñ a reas kalz pelloc'h eget an inizi. A-raok mont da Hellaz e oa bet en Antioc'heia, Joppa ha Jeruzalem, ha war lez ar stêr Jordan.
En Egipt e oa bet o welet ar piramidennoù, ha templ Amon ma voe diskouezet dezhañ ar meulgan a oa bet kaset d'al lec'h sakr-se gant Pindaros.
E Makedonia e seblant bezañ gwelet bez Orfeüs e Libethra (hiziv Leivithra). Mont a reas neuze da Italia, ma welas Campania ha Roma.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.