From Wikipedia, the free encyclopedia
Gres, pe c'hoazh Hellaz (gregach: 'Ελλάς, Hellás [he̞ˈllas] Ελλάδα; gresianeg a-vremañ: Elládha [e̞ˈlaða]) a zo ur riez e Gevred Europa hag hec'h anv ofisiel eo Republik Hellenek (e gresianeg: Ελληνική Δημοκρατία Ellīnikī́ Dīmokratía, [eliniˈci ðimokraˈtia]). E penn ledenez ar Balkanioù emañ-hi. E tu an norzh he deus harzoù douarel gant Bulgaria, Makedonia an Norzh hag Albania, ha gant Turkia e tu ar reter. En em ledañ a ra Mor Egaios a-hed aodoù ar reter hag ar Mor Kreizdouar a-hed aodoù ar gevred p'emañ Mor Ionia er mervent hag er c'hornôg. Un toullad brav a inizi bras ha bihan, e meur a enezeg, a vez kavet er c'hornôg hag er reter.
Evit "Gres" da vare an Henamzer, gwelet Henc'hres.Evit sterioù all "Gres", gwelet Gres (disheñvelout). | |||||||
|---|---|---|---|---|---|---|---|
| Ελληνική Δημοκρατία Ellinikí Dimokratía | |||||||
| |||||||
| Kan broadel | Ύμνος εις την Ελευθερίαν Imnos is tin Eleftherían | ||||||
| Ger-stur | Ελευθερία ή Θάνατος Eleftheria i thanatos "Ar Frankiz pe ar Marv" | ||||||
| Yezh ofisiel | Gresianeg | ||||||
| Kêr-benn | Aten | ||||||
| Gorread • En holl • % dour |
131 940 km² 0.86 | ||||||
| Poblañs • Hollad • Stankter |
11 018 000 (2004) 81/km² | ||||||
| Prezidant | Katerina Sakellaropoulou | ||||||
| Kentañ ministr | Kyriakos Mitsotakis | ||||||
| Gouel broadel | 25 a viz Meurzh | ||||||
| Moneiz | Euro (€) | ||||||
| Kod pellgomz | 30 | ||||||
| Kenrouedad | .gr | ||||||
Evel kavell Sevenadur ar C'hornôg e vez gwelet Bro-C'hres e mare kozh an Henc'hres (eus war-dro 900 vloaz kent Jezuz-Krist betek 200 vloaz goude Jezuz-Krist). Eno eo bet ganet ha lakaet e pleustr meizad an demokratelezh. Ken pinvidik eo bet istor ha sevenadur Bro-C'hres m'he deus bet ul levezon don ken e Europa, ken en Azia hag en Afrika ivez.
Dont a ra an anv brezhonek "Gres" dre ar galleg eus al latin Graecia, savet, d'e dro, diwar anv Γραίκος (Graikos), mab Thessalos, roue Fthia hervez mojennoù Henc'hres.
Abaoe amzerioù Homeros d'an nebeutañ, avat, o deus ar C'hresianed o-unan graet Ἑλλάς (distaget [hellás] e henc'hresianeg hag [el(l)ˈas] e gresianeg a-vremañ) pe boutinoc'h e gresianeg a-vremañ Ελλάδα ([eˈlaða]) eus o bro, brezhonekaet dindan ar stumm "Hellaz" a-wezhioù. Savet e oa an anv-se diàr div wrizienn henc'hresianek: rakger έλ- (el- "heol, skedus", k.v. ήλιος, elios, "heol") + λάς (las "roc'h, maen"), da lâret eo "Hellaz: bro heol ha roc'h".
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
