Ar Rouanez Matilda e Pariz, e Liorzh al Luxembourg.
Dimeziñ a reas e 1050 pe e 1051 e Rouen da Gwilherm Iañ . Eizh pe nav bugel o doa bet, pevar mab ha peder pe bemp merc'h[1] :
Roparzh (1051/52-1134), anavet e galleg evel Robert Courteheuse (Berr-e-heuz), dug Normandi (1087-1106), dimezet da Sibylle de Conversano. Bac'het e voe adalek 1106 ;
Adélise (pe Adelida) († a-raok 1113), ar verc'h henañ, aet da leanez da Saint-Léger de Préaux, marteze goude klasket dimeziñ meur a wech hag en aner,[2] ;
Cécile († 1126), aet da leanez da abati Itronezed Caen e 1066, graet ganti he gouestloù en 1075, aet da abadez en 1113 ;
Richarzh Normandi (v. 1058-69/1074), aet da veleg e Caen en 1066. Lazhet er chase ;
Gwilherm (war-dro 1060-1100), roue Bro-Saoz war-lerc'h e dad, adal 1087 betek 1100 ;
Adela Bro-Saoz, pe Adèle Bleaz (war-dro 1067 – 1137), dimezet war-dro 1080/1085 da Étienne-Henri; mamm Steven Bro-Saoz
Herri (war-dro 1068/69-1135), roue Bro-Saoz war lerc'h e vreur Gwilherm (1100-1135), ha dug Normandi (1106-1135), dimezet meur a wech;
Matilda († war-dro 1113), meneget en Domesday Book, met n'eo ket meneget gant Orderic Vital na gant Guillaume de Malmesbury. Meneget evel merc'h an Alouber e mortuaj Saint-Niçaise Meulan[3] ;
Agata, meneget gant Orderic Vital nemetken[5], bet danvez-pried Harold II Bro-Saoz, goude hini Alfonso VI Kastilha, n'eus ket bet anezhi marteze, nemet e vefe bet unan eus ar merc'hed usveneget .
Gundrade (war-dro 1063-1085) lakaet dre fazi da vout merc'h d'an Alouber. Pa varvas e kastell Acre (Norfolk), e oa pried da Guillaume Ier de Warenne, a zeuas da vout 1añkont Surrey, hag en un akta, kavet er Vieux Sarum, e ra anv Matild Flandrez eus Gundrade gant ar gerioù «ma merc'h». Orderic Vital, da-geñver hec'h eured, a skriv e oa c'hoar da Gerbod le Flamand, kont Chester[6].
Hervez oberourien zo, e vefe Agathe ha Mathilde ur verc'h hepken, ha n'eo ket div.