12 re gostezennoù: ar seizh kentañ a zo staget ouzh ar glerenn, an 8vet, 9vet ha 10vet a zo staget ouzh migorn ar 7vet koublad. An 11vet ha 12vet re n'int ket staget ouzh ar glerenn ha graet e vez falskostezennoù anezho.
Klerenn, 3 lodenn enni: dornell ar glerenn, korf ar glerenn hag al lech.
Skeventenn, div zo: ar skevent. Isrannet eo ar skeventenn dehou e teir zolbezenn (tolbezenn draoñ, tolbezenn grenn ha tolbezenn grec'h). N'eus nemet div dolbezenn er skeventenn gleiz evit ma chomfe lec'h evit ar galon. Goloet int o-div gant ur c'holoenn doubl: ar grezenn a zo etre ar skevent ha kavenn ar brusk. Graet eo ar skevent gant steuñvenn ar skevent hag aerhentoù.
Kalon, graet eo gant gwiad kigennel dreist-holl: ar c'haher kalon. Goloet eo gant div c'holoenn: unan doubl, diavaez, an amgalonenn, hag unan diabarzh, an enkalonenn a c'holo diabarzh kav ar galon. Roet e vez red ar gwad gant tri zrapig, unan doubl: an trapig mintrek, ha daou dric'hement: hini an aortenn hag an hini tribroudek .
Rannet eo ar galon e daou du: an tu-dehou hag an tu-kleiz. A-gleiz hag en nec'h, ar c'hentez kleiz ha kofig kleiz ar galon; a-zehou hag en traoñ, ar c'hentez dehou ha kofig dehou ar galon.
Poullkreiz, an tachad e kreiz ar brusk. Lec'hiet eo e penn a-raok al livenn-gein, ha tu zo d'e rannañ e div lodenn:
kavenn a-raok ha krenn ar poullkreiz, el lec'h m'emañ ar galon