![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9f/%25D0%2592%25D1%258F%25D1%2582%25D1%2580%25D0%25B0%25D0%25BA_%25D0%2593%25D1%2580%25D0%25B0%25D0%25B1%25D1%2596%25D0%25BD%25D1%2596%25D0%25BA%25D1%2596.jpg/640px-%25D0%2592%25D1%258F%25D1%2582%25D1%2580%25D0%25B0%25D0%25BA_%25D0%2593%25D1%2580%25D0%25B0%25D0%25B1%25D1%2596%25D0%25BD%25D1%2596%25D0%25BA%25D1%2596.jpg&w=640&q=50)
Энергія ветру
From Wikipedia, the free encyclopedia
Эне́ргія ве́тру — натуральная, узнаўляльная крыніца энергіі. Энергія ветру вельмі вялікая. Яе запасы ў свеце складаюць 170 трлн кВт·г у год. Гэту энергію можна атрымліваць не забруджваючы навакольнае асяроддзе. Але ў ветру ёсць два істотных недахопы: яго энергія рассеяна ў прасторы і вецер часта змяняе напрамак.
Узнаўляльныя энергарэсурсы |
---|
![]() |
Энергія Сонца Энергія ветру Энергія вады Цяпло Зямлі Біямаса Энергія прыліваў Энергія хваль |
![Thumb image](http://upload.wikimedia.org/wikipedia/commons/thumb/9/9f/%D0%92%D1%8F%D1%82%D1%80%D0%B0%D0%BA_%D0%93%D1%80%D0%B0%D0%B1%D1%96%D0%BD%D1%96%D0%BA%D1%96.jpg/640px-%D0%92%D1%8F%D1%82%D1%80%D0%B0%D0%BA_%D0%93%D1%80%D0%B0%D0%B1%D1%96%D0%BD%D1%96%D0%BA%D1%96.jpg)
![Thumb image](http://upload.wikimedia.org/wikipedia/commons/thumb/b/b6/Tehachapi_wind_farm_3.jpg/640px-Tehachapi_wind_farm_3.jpg)
Чалавек выкарыстоўваў энергію ветру тысячагоддзямі. Старажытныя парусныя караблі, млыны, выкарыстоўвалі энергію ветру для руху, пампавання вады, памолу зерня. Яшчэ ў Персіі згадваецца ўжыванне ветравых млыноў у II ст. да н.э.
Зараз вецер выкарыстоўваецца для выпрацоўкі электрычнасці (першы ветраэлектрагенератар быў сканструяваны ў Даніі ў 1890 годзе). Гэта можа быць генератар, які забяспечвае электрычнасцю ферму ці складаныя сістэмы, якія забяспечваюць энергіяй электрасістэму. Маленькія турбіны выпрацоўваюць толькі 500 ват, чаго хапае толькі для тэлевізара, а магутнасць самых вялікіх складае некалькі мегават, што можа забяспечыць невялікі горад. У складаных сістэмах (так званыя ветравыя фермы) звычайна выкарыстоўваюць турбіны магутнасцю каля 300 кВт, усталяваныя на вышыні да 50 метраў, а дыяметр лопасцяў можа скласці да 30 метраў.