Трэнта

Трэнта (італ.: Trento, ням.: Trient, лац.: Tridentum, на мясцовым дыялекце: Trent) — горад у Італіі на левым беразе р. Адыджэ на сярэдняй катлавіне. Сталіца рэгіёна Трэнціна-Альта-Адыджэ і правінцыі Трэнта. Насельніцтва горада на 2004 год — 55 197 чалавек (разам з прыгарадамі — 110 142 чалавекі). Горад багаты пабудовамі эпохі Сярэднявечча і Рэнесансу.

Горад Трэнта італ.: Trento Герб Сцяг Краіна  Італія Каардынаты 46°04′ пн. ш. 11°07′ у. д.HGЯO Кіраўнік Alessandro Andreatta[d] Плошча 157 км² Вышыня цэнтра 190 м Насельніцтва 110 142 чалавек (2004) Шчыльнасць 668 чал./км² Часавы пояс UTC+1, летам UTC+2 Тэлефонны код +39 0461 Паштовыя індэксы 38100, 38050, 38014, 38060, 38040 Аўтамабільны код TN Афіцыйны сайт comune.trento.it (італ.) Трэнта на карце Італіі

Медыяфайлы на Вікісховішчы

Горад, пад назвай Трыдэнтум, быў заснаваны ў часы Старажытнага Рыма і ўпершыню ўзгадваецца ў дарожных запісах Антонія як прыпынак на вялікай дарозе з Вероны ў Вельдыдэну (Інсбрук) над ракой Брэнер; пазней быў сталіцай вобласці Трыдэнціні. З IV ст. тут існуе епіскапія. Горад быў пад уладай астраготаў (V ст.) і лангабардаў (VI ст.); пасля заваявання лангабардаў франкамі (774) — у складзе Італійскага каралеўства. У 1027 імператар Конрад II аддаў тымчасовае кіраванне ў горадзе і вобласці мясцоваму епіскапу, а горад і вобласць перадаў у склад Германіі. Беспаспяховыя спробы Венецыі завалодаць горадам працягваліся да 1487. Тымчасовае епіскапскае праўленне працягвалася да 1803, калі ўладу тут узяла Аўстрыя. У 1805—1814 горад і вобласць належалі Баварыі, потым напалеонаўскай Францыі. У 1814 горад і вобласць Трэнціна былі фармальна анексаваныя Аўстрыяй, уваходзілі ў правінцыю Тыроль. Пасля горад быў далучаны да Італіі пасля Першай сусветнай вайны^[1].

Эканоміка

Трэнта з’яўляецца цэнтрам рэгіёна, актыўным гандлёвым і прамысловым цэнтрам. Прамысловасць: хімічная, металаапрацоўка, тэкстыльная, дрэваапрацоўка; выпускаюцца веласіпеды.

Культура і адукацыя

Трэнта мае ўніверсітэт са шматлікімі факультэтамі і навукова-даследчымі інстытутамі, дзе праводзяцца даследаванні ў вобласці штучнага інтэлекту.

Гарады-пабрацімы

•  Huatusco^[d], Мексіка
•  Знойма, Чэхія
•  Кемптэн (Альгой), Германія (1987)^[2]
•  К’еты, Італія
•  Прага, Чэхія
•  Прага 1, Чэхія (2002)^[3]
•  Рэсістэнсія, Аргенціна
•  Сан-Себасцьян, Іспанія (1988)^[4]
•  Слаўна, Польшча
•  Уладзімір, Расія (2003)^[5][6][…]
•  Шарлотэнбург-Вільмерсдорф, Германія (1966)^[7]

Галерэя

• 
  Кафедральны сабор святога Вігілія і фантан Нептуна
• 
  Кафедральная плошча з дамамі, упрыгожанымі фрэскамі
• 
  Стары епіскапскі палац (XIII стагоддзе)
• 
  Замак Буанкансілья
• 
  Вуліца
• 
  Замак Буанкансілья

Крыніцы

1. Chisholm, Hugh, рэд. (1911). "Trent (city)" . Encyclopædia Britannica(англ.) (11th ed.). Cambridge University Press.
2. https://www.comune.trento.it/Aree-tematiche/Gemellaggi-e-relazioni-internazionali/Gemellaggi-col-Comune/Gemellaggio-con-Kempten Праверана 15 мая 2020.
3. https://www.comune.trento.it/Aree-tematiche/Gemellaggi-e-relazioni-internazionali/Gemellaggi-col-Comune/Gemellaggio-con-Praha-1 Праверана 15 мая 2020.
4. https://www.comune.trento.it/Aree-tematiche/Gemellaggi-e-relazioni-internazionali/Gemellaggi-col-Comune/Gemellaggio-con-Donostia-San-Sebastian Праверана 15 мая 2020.
5. https://www.vladimir-city.ru/international/partners/trento/
6. https://www.vladimir-city.ru/upload/static/international/TRENTO.pdf
7. https://www.comune.trento.it/Aree-tematiche/Gemellaggi-e-relazioni-internazionali/Gemellaggi-col-Comune/Gemellaggio-con-Berlin-Charlottenburg-Wilmersdorf Праверана 15 мая 2020.