Скема

Ске́ма — рака ў Мядзельскім раёне Беларусі, пратока паміж возерам Мястра і возерам Нарач. Самая кароткая рака Беларусі: яе даўжыня складае 0,2 км^[1]. Знаходзіцца ў цэнтральнай частцы Нацыянальнага парка "Нарачанскі".

Скема
Характарыстыка
Даўжыня	0,2 км
Расход вады	0,49 м³/с
Вадацёк
Выток	Мястра
• Каардынаты	54°52′09″ пн. ш. 26°51′43″ у. д.HGЯO
Вусце	Нарач (возера)
• Каардынаты	54°52′06″ пн. ш. 26°51′32″ у. д.HGЯO
Размяшчэнне
Краіна	Беларусь
— выток, — вусце
Медыяфайлы на Вікісховішчы

Вадазбор дасягае 133 км². Сярэднегадавы расход вады ў вусці 0,49 м³/с. Хуткасць плыні — 0,13 м/с. Глыбіня месцамі дасягае 1,5 м. Рэчышча звілістае, яго шырыня 3-4 м. Дно пясчанае ля вытока, а ля вусця — камяністае.

Праз раку пабудаваны мост, па якім ідзе дарога з пасёлка Нарач у вёску Гатавічы.

На рацэ дзейнічае гідралагічны пост. У Скеме водзяцца ракі.

Турызм

Карыстаецца папулярнасцю ў байдарачнікаў.

Зноскі

1. Артыкул у «Маладзечанскай газеце» пра самую кароткую раку Беларусі Архівавана 20 ліпеня 2019.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.

Спасылкі

• Рака Скема (В-02) ў даведніку "Водныя рэсурсы Нацыянальнага парка "Нарачанскі"
• Уся даўжыня ракі Скемы на адным фота Архівавана 20 ліпеня 2019.