Міхаіл Анатольевіч Жураўкоў

Міхаі́л Анато́льевіч Жураўко́ў (19 лістапада 1961, Салігорск, Мінская вобласць, цяпер Беларусь) — беларускі дзяржаўны дзеяч, міністр адукацыі Рэспублікі Беларусь (2014—2016), доктар навук.

Міхаіл Жураўкоў
Міністр адукацыі Беларусі 27 снежня 2014 — 15 снежня 2016
Прэзідэнт	Аляксандр Лукашэнка
Кіраўнік урада	Андрэй Кабякоў
Папярэднік	Сяргей Маскевіч
Пераемнік	Ігар Карпенка
Нараджэнне	19 лістапада 1961(1961-11-19) (62 гады) Салігорск, Салігорскі раён, Мінская вобласць, БССР, СССР
Адукацыя	механіка-матэматычны факультэт БДУ (1984)
Навуковая ступень	доктар фізіка-матэматычных навук
Месца працы	БДУ БНТУ
Узнагароды

У Вікіпедыі ёсць артыкулы пра іншых людзей з прозвішчам Жураўкоў.

Біяграфія

Нарадзіўся 19 лістапада 1961 года ў Салігорску. Скончыў механіка-матэматычны факультэт БДУ (1979—1984), завочную аспірантуру пры БДУ (1984—1987), доктар фізіка-матэматычных навук (1993)^[1].

У 1993—1996 — намеснік начальніка службы аўтаматызаванай сістэмы кіравання прадпрыемствам па распрацоўцы і ўкараненні на прадпрыемстве Беларуськалій^[1].

У 1996—1997 — прафесар кафедры тэарэтычнай механікі БНТУ. З 1997 года — прафесар кафедры тэарэтычнай механікі і робататэхнікі БДУ, з 1999 — загадчык кафедры, з сакавіка 2007 — дэкан механіка-матэматычнага факультэта. Са студзеня 2009 года — першы прарэктар^[1].

27 снежня 2014 года прызначаны міністрам адукацыі Беларусі^[2].

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь.^[3], а 17 снежня 2015 года ўказам Прэзідэнта № 500 зноў зацверджаны на пасадзе міністра^[4]. Пакінуў пасаду міністра ў снежні 2016 года. Вярнуўся працаваць у БДУ, на кафедру тэарэтычнай і прыкладной механікі механіка-матэматычнага факультэта.

Узнагароды і званні

• медаль Францыска Скарыны (2011)^[5],
• Заслужаны работнік адукацыі Рэспублікі Беларусь (28 чэрвеня 2021)^[6].

Зноскі

1. Журавков Михаил Анатольевич (руск.)(недаступная спасылка). Афіцыйны сайт Міністэрства адукацыі Рэспублікі Беларусь. Архівавана з першакрыніцы 20 кастрычніка 2015. Праверана 28 снежня 2014.
2. Прэзідэнт Рэспублікі Беларусь разгледзеў кадравыя пытанні (нявызн.). Афіцыйны сайт прэзідэнта Рэспублікі Беларусь (27 снежня 2014). Праверана 28 снежня 2014.
3. Пастанова Савета Міністраў Рэспублікі Беларусь № 870 «Аб складанні паўнамоцтваў Урада Рэспублікі Беларусь» (руск.)(недаступная спасылка) (16 кастрычніка 2015). Архівавана з першакрыніцы 4 сакавіка 2016. Праверана 17 кастрычніка 2015.
4. Назначаны члены ўрада Рэспублікі Беларусь (нявызн.). http://president.gov.by+(17 снежня 2015).
5. Указ Прэзідэнта Рэспублікі Беларусь ад 26 кастрычніка 2011 года № 491 «Аб узнагароджанні дзяржаўнымі ўзнагародамі Рэспублікі Беларусь» Архівавана 18 кастрычніка 2021.
6. Указ Прэзідэнта Рэспублікі Беларусь ад 28 чэрвеня 2021 г. № 245 «Аб узнагароджанні» // Нацыянальны прававы інтэрнэт-партал Рэспублікі Беларусь, 30 чэрвеня 2021. (бел.)

Спасылкі

• Прэзідэнт Рэспублікі Беларусь разгледзеў кадравыя пытанні (нявызн.). Афіцыйны сайт прэзідэнта Рэспублікі Беларусь (27 снежня 2014). Праверана 28 снежня 2014.
• Міхаіл Жураўкоў стаў доктарам навук у 32 гады — хто ён, новы міністр адукацыі? (нявызн.). Наша Ніва (27 снежня 2014). Праверана 28 снежня 2014.