Міхал Стафан Аскерка

Міхал Стафан Аскерка (1712 — 1780) — дарадца прускага караля.

Міхал Стафан Аскерка
Аскерка
Нараджэнне	12 верасня 1712(1712-09-12) Новагародак, Новагародскі павет, Новагародскае ваяводства, Вялікае Княства Літоўскае, Рэч Паспалітая
Смерць	1780
Род	Аскеркі
Бацька	Антоні Аскерка
Маці	Ганна з Грабоўскіх[d]
Веравызнанне	кальвінізм і каталіцтва
Адукацыя	Кёнігсбергскі ўніверсітэт HU Berlin Слуцкая гімназія

У Вікіпедыі ёсць артыкулы пра іншых людзей з прозвішчам Аскерка.

Біяграфія

Са шляхецкага роду Аскеркаў герба «Мурдэліа» зменены, сын Антонія.

Воляй маці ахрышчаны паводле кальвінскага абраду. З 1721 года вучыўся ў Караляўцы і Берліне. Каб уратаваць бацьку ад смяротнага прысуду, перайшоў у каталіцтва. Пасля 1736 года вярнуўся ў кальвінізм, выехаў у Прусію, набыў маёнтак каля Берліна і стаў дарадцам прускага караля Фрыдрыха II.

Выдаў эканамічны трактат «Неабавязковы план дзеля найхутчэйшага асваення пусткавых земляў у Брандэнбургскай марцы» («Unmaftgeblicher Plan wegen baldigen Besetzung derer wiisten contribuablen Hufen in der Chur Marek Brandenburg», Бернбург, 1762, беларускі пераклад Мн., 1995)

Зноскі

Літаратура

• Пазднякоў В. Аскеркі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.