Мышкавічы (Кіраўскі раён)

Мы́шкавічы^[1] (трансліт.: Myškavičy, руск.: Мышковичи) — аграгарадок у Кіраўскім раёне Магілёўскай вобласці. Уваходзіць у склад Мышкавіцкага сельсавета. Размешчаны за 6 км на поўдзень ад Кіраўска, 93 км ад Магілёва. Цэнтр калгаса «Рассвет» імя К. П. Арлоўскага.

Аграгарадок Мышкавічы Краіна Беларусь Вобласць Магілёўская Раён Кіраўскі Сельсавет Мышкавіцкі Каардынаты 53°13′11″ пн. ш. 29°30′04″ у. д.HGЯO Першая згадка 1506 Вышыня цэнтра 160-170 м Насельніцтва 2 071 чалавек (2007) Часавы пояс UTC+3 Тэлефонны код +375 2153 Паштовы індэкс 213944 Аўтамабільны код 6 СААТА 7225822016 Мышкавічы на карце Беларусі ±

Мышкавічы на Вікісховішчы

У паняцця ёсць і іншыя значэнні, гл. Мышкавічы.

Гісторыя

У XIX стагоддзі — у Качэрыцкай воласці Мінскай губерні. Належала Н. Ф. фон Гоер. У 1908 годзе было 90 двароў, 678 жыхароў.

Адзін з эксперыментальна-паказальных пасёлкаў на Беларусі. Забудоўваецца паводле генплана 1970 года (інстытут «Белдзіпрасельбуд», архітэктар Т. Галіёта, карэкціроўка 1980 г.). Будаўніцтва вядзецца на свабоднай тэрыторыі і на месцы старой забудовы. Вызначаецца функцыянальным заніраваннем тэрыторыі, кампактнасцю забудовы, высокім узроўнем добраўпарадкаванасці. Планіровачную структуру вёскі вызначаюць асноўныя вуліцы Цэнтральная, перпендыкулярная да яе Палацавая і ўтвораная на іх скрыжаванні цэнтральная плошча — адміністрацыйна-грамадскі і культурны цэнтр. Плошчу фармуюць: двухпавярховы адміністрацыйны будынак праўлення калгаса, Палац культуры (1975, архітэктар Г. Заборскі), шасціпавярховы гатэль, гандлёвы цэнтр з рэстаранам, крамамі, помнік К. П. Арлоўскаму.

На плошчу раскрыты два двухпавярховыя жылыя дамы з унутранымі дворыкамі. Упрыгожваюць плошчу кветнікі, дэкаратыўны фантан з святламузыкай, газоны, адкрытыя лужкі і інш. Пераважае двухпавярховая секцыйная забудова, будуюцца дамы з кватэрамі ў двух узроўнях. У цэнтральнай частцы вёскі дамы размешчаныя кампазіцыйнымі групамі з унутранымі азялененымі пляцоўкамі для адпачынку. У аддзелцы будынкаў выкарыстаныя чорны і чырвоны граніт, белая тынкоўка, што стварае выразны сілуэт забудовы. Вёска забяспечаная ўсімі відамі інжынернага абсталявання, вуліцы асфальтаваныя, устаноўленыя святлафоры. Вытворча-складская зона размешчаная ў паўночнай і паўночна-ўсходняй частках вёскі. Зона адпачынку — штучны вадаём з добраўпарадкаванай набярэжнай, парк, стадыён, санаторый з водалячзбніцай.

Прадугледжваецца далейшае развіццё грамадскага цэнтра, стварэнне бульвару з фруктовай алеяй уздоўж вул. Палацавай, расшырэнне спартыўнай зоны, будаўніцтва фізкультурна-аздараўленчага цэнтра. Забудова і добраўпарадкаванне Мышкавічаў адзначаны Дыпломам і залатым медалём ВДНГ СССР (1982 г.).

Славутасці

• Магіла Кірылы Пракопавіча Арлоўскага (1968) —  Гісторыка-культурная каштоўнасць Беларусі, шыфр 513Д000461шыфр 513Д000461.
• Помнік Кірылу Пракопавічу Арлоўскаму (1977) —  Гісторыка-культурная каштоўнасць Беларусі, шыфр 513Ж000462шыфр 513Ж000462.

Вядомыя асобы

• Уладзімір Анатольевіч Бяляўскі (нар. 1969) — расійскі военачальнік, Герой Расіі (2006).
• Міхаіл Сямёнавіч Корзун (нар. 1935) — беларускі гісторык, доктар гістарычных навук, прафесар, адзін з вядучых спецыялістаў Беларусі па гісторыі Старажытнай Грэцыі і Рускай праваслаўнай царквы.

Зноскі

1. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.

Спасылкі

• На Вікісховішчы ёсць медыяфайлы па тэме Мышкавічы (Кіраўскі раён)