Канферэнцыя КПСС (Партканферэнцыя) — вышэйшы орган абласных, краявых, акруговых, гарадскіх, раённых і буйных першасных арганізацый КПСС. Абласная, краявая канферэнцыя склікаліся абласным, краявым камітэтам адзін раз у два-тры гады. Пазачарговыя (надзвычайныя) канферэнцыі склікаліся па рашэнню абласнога, краявога камітэта, ЦК кампартыі саюзнай рэспублікі або па патрабаванню адной трэці агульнай колькасці членаў арганізацый, якія ўваходзяць у абласную, краявую, рэспубліканскую партыйную арганізацыю.
РСДРП — РСДРП(б) — РКП(б) — УКП(б) — КПСС |
Гісторыя партыі |
Партыйная арганізацыя |
Кіраўнікі партыі |
Статут Руская партыя |
Абласная, краявая канферэнцыя, з'езд кампартыі саюзнай рэспублікі заслухоўвалі справаздачы абласнога, краявога камітэта, ЦК кампартыі саюзнай рэспублікі, рэвізійнай камісіі, абмяркоўвалі пытанні партыйнага, гаспадарчага і культурнага будаўніцтва, абіралі абласны, краявы камітэт, ЦК кампартыі саюзнай рэспублікі, рэвізійную камісію і дэлегатаў на з’езд КПСС.
Акруговая, гарадская, раённая канферэнцыя (сход) заслухоўвалі справаздачы камітэта, рэвізійнай камісіі, абмяркоўвалі пытанні партыйнага, гаспадарчага і культурнага будаўніцтва, абіралі акруговы, гарадскі, раённы камітэт, рэвізійную камісію і дэлегатаў на абласную, краявую канферэнцыю або з'езд кампартыі саюзнай рэспублікі.
Усесаюзная канферэнцыя КПСС — нарада прадстаўнікоў мясцовых партыйных арганізацый і членаў цэнтральных партыйных органаў. Па Статуту КПСС магла склікацца ў перыяд паміж з'ездамі па меры неабходнасці для абмеркавання наспелых пытанняў палітыкі. Парадак склікання і правядзення Усесаюзнай партыйнай канферэнцыі вызначаўся ЦК КПСС.
XIX з'езд КПСС (кастрычнік 1952) прызнаў, што наспеўшыя пытанні партыйнай палітыкі могуць абмяркоўвацца на з'ездах партыі і пленумах ЦК і што неабходнасці ў скліканні Усесаюзных канферэнцый няма. XXIII з'езд КПСС (сакавік — красавік 1966) аднавіў у Статуце партыі пункт, які дае ЦК КПСС права склікання Усесаюзнай канферэнцыі.
Усяго адбылося 19 цэнтральных партыйных канферэнцый: