Гарадскі каледж Нью-Ёрка

Гарадскі каледж Нью-Ёрка (англ.: City College of the City University of New York) — асноўны і найстарэйшы каледж Гарадскога ўніверсітэта Нью-Ёрка (CUNY)^[1]. Яго кампус плошчай каля 14 га размешчаны ўздоўж Канвент-авеню, у раёне Гамільтан-Хайтс на Манхэтэне^[2].

Гарадскі каледж Нью-Ёрка
англ.: City College of New York
Арыгінальная назва	англ.: City College of New York
Дэвіз	лац.: Respice, Adspice, Prospice англ.: Look back, look at, and look ahead
Заснаваны	1847
Тып	грамадскі
Студэнты	15 402
Краіна	ЗША
Размяшчэнне	Нью-Ёрк
Сайт	ccny.cuny.edu (англ.)
Медыяфайлы на Вікісховішчы

Гісторыя

Шэпард-хол побач з парадным уваходам.

Заснаваны ў 1847 годзе на сродкі заможнага бізнесмена Таўнсенда Харыса^[en]. Гарадскі каледж Нью-Ёрка быў першай бясплатнай грамадскай установай вышэйшай адукацыі ў Злучаных Штатах Амерыкі^[3], а таксама на працягу многіх гадоў лічыцца флагманскім кампусам CUNY^[4].

Увосень 2011 года ў каледжы налічвалася 16 544 студэнтаў, якія навучаліся на бакалаўраў, магістраў, дактароў у галіне архітэктуры, інжынернай справы, свабодных мастацтваў і навук, адукацыі, біямедыцыны, псіхалогіі і інш. Студэнцкі склад гарадскога каледжа Нью-Ёрка адзін з самых разнастайных у ЗША і аб’ядноўвае прадстаўнікоў 162 краін свету^[5].

Вядомыя выпускнікі

Помнік Аляксандру Сцюарту Уэббу (1835-1911), другому кіраўніку каледжа (1869-1903).

Сярод выпускнікоў гарадскога каледжа Нью-Ёрка шмат выбітных навукоўцаў, інжынераў, палітыкаў, бізнесменаў, пісьменнікаў і інш., якія аказалі значны ўплыў на развіццё навукі і грамадства.

11 лаўрэатаў Нобелеўскай прэміі:

• Джуліян Швінгер,
• Арно Алан Пензіяс,
• Леон Макс Ледэрман,
• Артур Корнберг,
• Генры Кісінджэр,
• Джэром Карле,
• Роберт Хофштадтэр,
• Херберт Аарон Хаўптман,
• Роберт Джон Аўман,
• Кенет Джозеф Эроў,
• Джуліус Аксельрад.

Таксама яго выпускнікі:

• амерыканскі фінансіст Бернард Барух,
• сацыёлаг і публіцыст, заснавальнік тэорыі постіндустрыяльнага грамадства Дэніэл Бэл,
• вядомы вучоны-механік Бернард Будзянскі
• заснавальнік карпарацыі Intel Эндру Стывен Гроўв,
• наватар у галіне вытворчасці цацак для дзяцей Фрэнк Каплан,
• амерыканскі мадэльер і бізнесмен Ральф Ларэн,
• 65-ы дзяржаўны сакратар ЗША Колін Паўэл,
• матэматык і адзін з заснавальнікаў шматзначнай логікі Эміль Леон Пост,
• фізік-тэарэтык, адзін са стваральнікаў тэорыі струн Леанард Саскінд,
• даследчык і вірусолаг Джонас Солк,
• аўтар тэорыі кагнітыўнага дысанансу Леон Фестынгер,
• інжынер і вынаходнік Герман Холерыт,
• вынаходнік пратаколу TCP і IP Роберт Эліёт.

Таксама ў каледжы некаторы час вучыліся:

• амерыканскі кінарэжысёр, акцёр, драматург і джазавы кларнетыст Вудзі Ален.

Заўвегі

1. Our Mission at CCNY (англ.). The City College of The City University of New York. Архівавана з першакрыніцы 8 жніўня 2012. Праверана 17 ліпеня 2012.
2. Map of the CCNY Campus (англ.). The City College of The City University of New York. Архівавана з першакрыніцы 8 жніўня 2012. Праверана 17 ліпеня 2012.
3. Willis Rudy. The College of the City of New York: A History 1847—1947. — City College Press, 1949.
4. Karen W. Arenson. Between Roots and Reputation; City College Struggles to Remake Itself and Its Image (англ.) (7 кастрычніка 1999). Архівавана з першакрыніцы 8 жніўня 2012. Праверана 19 ліпеня 2012.
5. City Facts Fall 2011 (англ.). The City College of The City University of New York. Архівавана з першакрыніцы 8 жніўня 2012. Праверана 20 ліпеня 2012.

Спасылкі

• На Вікісховішчы ёсць медыяфайлы па тэме Гарадскі каледж Нью-Ёрка
• Афіцыйны сайт каледжа