![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fc/Sofja_Ha%25C5%2582o%25C5%25AD%25C4%258Dynskaja._%25D0%25A1%25D0%25BE%25D1%2584%25E2%2580%2599%25D1%258F_%25D0%2593%25D0%25B0%25D0%25BB%25D0%25BE%25D1%259E%25D1%2587%25D1%258B%25D0%25BD%25D1%2581%25D0%25BA%25D0%25B0%25D1%258F_%25281602%2529.jpg/640px-Sofja_Ha%25C5%2582o%25C5%25AD%25C4%258Dynskaja._%25D0%25A1%25D0%25BE%25D1%2584%25E2%2580%2599%25D1%258F_%25D0%2593%25D0%25B0%25D0%25BB%25D0%25BE%25D1%259E%25D1%2587%25D1%258B%25D0%25BD%25D1%2581%25D0%25BA%25D0%25B0%25D1%258F_%25281602%2529.jpg&w=640&q=50)
Галоўчынскія
вялікалітоўскі княжацкі род / From Wikipedia, the free encyclopedia
Галоўчынскія, Галаўчынскія — княжацкі род герба «Лебедзь», прадстаўнікі якога займалі дзяржаўныя пасады ў Вялікім Княстве Літоўскім[1].
![Thumb image](http://upload.wikimedia.org/wikipedia/commons/thumb/f/fc/Sofja_Ha%C5%82o%C5%AD%C4%8Dynskaja._%D0%A1%D0%BE%D1%84%E2%80%99%D1%8F_%D0%93%D0%B0%D0%BB%D0%BE%D1%9E%D1%87%D1%8B%D0%BD%D1%81%D0%BA%D0%B0%D1%8F_%281602%29.jpg/640px-Sofja_Ha%C5%82o%C5%AD%C4%8Dynskaja._%D0%A1%D0%BE%D1%84%E2%80%99%D1%8F_%D0%93%D0%B0%D0%BB%D0%BE%D1%9E%D1%87%D1%8B%D0%BD%D1%81%D0%BA%D0%B0%D1%8F_%281602%29.jpg)
Родапачынальнікам звычайна лічаць Мікіту, сын якога Мацей у 1495 годзе прыехаў у ВКЛ з Масквы[1] разам з дваром Алены, дачкі вялікага князя маскоўскага Івана III Васільевіча, жонкі вялікага князя літоўскага Аляксандра. Паводле Каспера Нясецкага паходзілі ад северскай галіны Рурыкавічаў[2]. Самі Галоўчынскія часам выводзілі сябе ад князеў Рапалоўскіх[3], аднак сярод іх імя Мікіты не сустракаецца[1] і генеалагічная сувязь з гэтымі князямі не прасочваецца[2]. Зваліся таксама Галоўчынскімі-Мшцішчамі[1].
Прозвішча паходзіць ад мястэчка Галоўчын каля Друцка.
Пры падтрымцы вялікай княгіні літоўскай Алены Іванаўны князі Галоўчынскія адразу ўвайшлі ў лік найбольш заможных феадалаў Вялікага Княства Літоўскага. Спачатку вызнавалі праваслаўе, пазней перайшлі ў каталіцтва.
Род згас у 1658 годзе са смерцю Мікалая Канстанцінавіча Галоўчынскага[1].