Аранская вуліца

Вуліца Ара́нская — вуліца ў Ленінскім і часткова Кастрычніцкім раёнах Мінска.

Аранская Мінск
Агульная інфармацыя
Краіна	Беларусь
Горад	Мінск
Раён	Ленінскі раён Кастрычніцкі раён
Гістарычны раён	Араны
Працягласць	1,2 км
Найбліжэйшыя станцыі метро	Пралетарская
Назва ў гонар	Араны
Медыяфайлы на Вікісховішчы

Этымалогія

Назва вуліцы паходзіць ад назвы гістарычнага прадмесця Мінска Араны.

Размяшчэнне

Белмедпрэпараты на рагу з вул. Свярдлова

Арыентавана з паўднёвага захаду на паўночны ўсход. З'яўляецца працягам вуліцы Магілёўскай і часткай Першага мінскага транспартнага кольца. Пачынаецца ад скрыжавання з вуліцай Валадзько, якая прымыкае з поўдня, перасякае чыгуначныя пуці, скрыжаванне з вуліцамі Свярдлова і Маякоўскага, раку Свіслач, з поўдня прымыкае вуліца Індустрыяльная, пасля скрыжавання з вуліцай Трасцянецкай, на якім ўзведзена двухузроўневая развязка, пераходзіць у Партызанскі праспект. Даўжыня вуліцы складае каля 1,2 км.

Эстакада на скрыжванні з Трасцянецкай вуліцай

Славутасці

• Мемерыяльная дошка падпольшчыкам на дыспетчарскім корпусе «Мінскэнерга» (дом № 22), устаноўленая ў 1966 годзе (сілумін; скульпт. М. Ткачук) і абноўленая ў 1984 годзе^[1].
• Помнік Уладзіміру Леніну на тэрыторыі кандытарскай фабрыкі «Камунарка» (1954)^[1].

Зноскі

1. Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.

Спасылкі

• На Вікісховішчы ёсць медыяфайлы па тэме Аранская вуліца