Аляксей Яўхімавіч Кляшчоў

У Вікіпедыі ёсць артыкулы пра іншых людзей з прозвішчам Кляшчоў.

Аляксе́й Яўхі́мавіч Кляшчо́ў (12 лютага (25 лютага) 1905, в. Міхнавічы, Магілёўская губерня — 13 снежня 1968, г. Масква) — партыйны і дзяржаўны дзеяч БССР, старшыня Савета Міністраў БССР, адзін з кіраўнікоў партызанскага руху на тэрыторыі Пінскай вобласці падчас Вялікай Айчыннай вайны, Герой Савецкага Саюза (1944), генерал-маёр^[3].

Аляксей Яўхімавіч Кляшчоў
Першы сакратар Какчэтаўскага абкама КП КазССР ліпень 1955 — снежань 1960
Папярэднік	Міхаіл Рагінец
Пераемнік	Сямён Новікаў
Старшыня Савета Міністраў Беларускай ССР сакавік 1948 — чэрвень 1953
Папярэднік	Панцеляймон Панамарэнка
Пераемнік	Кірыл Мазураў
Першы сакратар Полацкага абкама КП(б) БССР май 1946 — сакавік 1948
Папярэднік	Якім Жылянін
Пераемнік	Іван Ганенка
Першы сакратар Пінскага абкама КП(б) БССР 20 ліпеня 1944 — красавік 1946
Папярэднік	Аўксенцій Мінчанка
Пераемнік	Пётр Цецюшаў
Нараджэнне	12 (25) лютага 1905 Міхнавічы, Слабода-Скрыгалаўская воласць[d], Мазырскі павет, Мінская губерня, Расійская імперыя
Смерць	13 снежня 1968(1968-12-13)[1] (63 гады) Масква, РСФСР, СССР[2]
Месца пахавання	Новадзявочыя могілкі
Партыя	КПСС
Прыналежнасць	СССР
Род войскаў	Савецкі партызанскі рух
Званне	генерал-маёр
Бітвы	Вялікая Айчынная вайна
Узнагароды

Біяграфія

Аляксей Яфімавіч Кляшчоў нарадзіўся 12 (25) лютага 1905 у вёсцы Міхнавічы Магілёўскай губерні Расійскай імперыі ў сялянскай сям’і. Па нацыянальнасці — беларус. З 1928 года Кляшчоў член УКП(б), а потым і КПСС. У 1924—1927 гадах ён працаваў на пасадзе старшыні сельсавета.

Магіла Кляшчова на Новадзявочых могілках Масквы.

У 1927—1929 гадах Кляшчоў служыў у Чырвонай Арміі. У 1930—39 гадах ён працаваў на пасадзе дырэктара Шклоўскай, Дрысенскай і Мехаўскай МТС у Беларускай ССР. З верасня 1939 года Аляксей начальнік зямельнага аддзела Пінскай вобласці Беларусі.

З ліпеня 1941 года Кляшчоў — удзельнік Вялікай Айчыннай вайны. Аляксей быў у складзе Пінскага абласнога падпольнага партыйнага цэнтра, ствараў падпольныя партыйныя ячэйкі на акупаванай тэрыторыі, праводзіў арганізатарскую працу па аказанні супраціву нямецкім захопнікам.

З верасня 1942 года Кляшчоў — упаўнаважаны ЦК КП(б) Беларусі па Пінскай вобласці, а з 1943 года — сакратар Пінскага падпольнага абкама партыі.

Пастановай Савета Народных Камісараў СССР ад 16 верасня 1943 года № 1000 Аляксею Яхімавічу Кляшчову прысвоена воінскае званне «генерал-маёр» ^[3].

З 1944 года Кляшчоў на пасадзе першага сакратара Пінскага, а ў 1946—1948 гадах і Полацкага абкамаў КП Беларусі. У 1948—53 гадах ён старшыня Савета Міністраў Беларускай ССР ^[4].

У 1955—1960 гадах — першы сакратар Какчатаўскага абкама КП Казахстана.

Кляшчоў абіраўся дэпутатам Вярхоўнага Савета СССР 2-га, 3-га і 5-га скліканняў. На 20-м з’ездзе КП(б) Беларусі ён абіраўся членам ЦК і быў членам Бюро ЦК КП(б) Беларусі ў 1948—53 гадах.

З 1961 года Кляшчоў выйшаў на пенсію.

Пасля выхаду на пенсію Аляксей жыў у Маскве. Аляксей Яфімавіч Кляшчоў памёр 13 снежня 1968 года. Ён быў пахаваны ў Маскве на Новадзявочых могілках на ўчастку 7^[3].

Узнагароды

• Медаль «Залатая Зорка»^[5]
• тры ордэна Леніна
• ордэн Чырвонага Сцяга
• ордэн Айчыннай вайны 1-й ступені
• медалі

Ушанаванне памяці

• У гонар Кляшчова названы Пінскі гідрамеліярацыйны тэхнікум^[3].
• Вуліца ў Полацку названая ў гонар Кляшчова^[3].
• На будынку райсельгастэхніцы ў горадзе Шклоў, дзе ён працаваў, устаноўлена мемарыяльная дошка^[3].

Зноскі

1. Клещёв Алексей Ефимович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 27 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Клещёв Алексей Ефимович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
3. Клещёв Алексей Ефимович (руск.). Архівавана з першакрыніцы 13 верасня 2012. Праверана 25 лютага 2012.
4. Кіраўнікі дзяржаў. // Беларусь (нявызн.). Архівавана з першакрыніцы 13 верасня 2012. Праверана 22 ліпеня 2012.
5. Указ Президиума Верховного Совета СССР «О присвоении звания Героя Советского Союза белорусским партизанам» от 1 января 1944 года // Ведомости Верховного Совета Союза Советских Социалистических Республик : газета. — 1944. — 6 января (№ 1 (261)). — С. 1

Літаратура

• Кляшчо́ў Аляксей Яўхімавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 392. — 800 с. — 5 000 экз. — ISBN 985-11-0026-9.

Спасылкі

• Аляксей Яўхімавіч Кляшчоў на сайце «Героі краіны»