Якім Аляксандравіч Жылянін

Які́м Алякса́ндравіч Жыля́нін (22 жніўня 1903, в. Гайна Мінскай губерні (цяпер Лагойскі раён Мінскай вобласці), Расійская імперыя — 30 жніўня 1979) — беларускі партыйны і дзяржаўны дзеяч, адзін з арганізатараў партызанскага руху ў Віцебскай вобласці, былы старшыня Магілёўскага аблвыканкама (1949—1959).

Якім Аляксандравіч Жылянін
Старшыня Магілёўскага аблвыканкама красавік 1949 — кастрычнік 1959
Кіраўнік урада	Аляксей Кляшчоў Кірыл Мазураў Мікалай Аўхімовіч
Папярэднік	Давід Лукашэвіч
Пераемнік	Пётр Лявіцкі
1-ы Першы сакратар Полацкага абкама КПБ верасень 1944 — май 1946
Папярэднік	пасада заснаваная
Пераемнік	Аляксей Кляшчоў
Другі сакратар Віцебскага абкама КПБ 23 красавіка 1942 — верасень 1944
Папярэднік	Мікалай Мельнікаў
Пераемнік	Афанасій Дзядоў
2-і Другі сакратар Магілёўскага абкама КПБ снежань 1939 — 1940
Папярэднік	Сямён Ігаеў
Пераемнік	Дзмітрый Маўчанскі
1-ы Сакратар па кадрах ЦК КПБ 6 чэрвеня 1939 — 15 лістапада 1939
Папярэднік	пасада заснаваная
Пераемнік	Рыгор Байкачоў
Нараджэнне	22 жніўня (4 верасня) 1903 Гайна, Барысаўскі павет, Мінская губерня, Расійская імперыя
Смерць	30 жніўня 1979(1979-08-30) (76 гадоў)
Партыя	УКП(Б) (з 1924)
Адукацыя	Вышэйшая партыйная школа УКП(б) (1948)
Узнагароды

Біяграфія

У 1927—1929 працаваў на пасадзе старшыні Гайнаўскага сельскага савета, пасля старшынёй камітэта ўзаемадапамогі Лагойскага раёна, у 1933—1935 — старшыня калгаса імя Ф. Э. Дзяржынскага Віцебскага раёна^[1]. З 1935 года інструктар Віцебскага гаркама, сакратар Віцебскага, Аршанскага райкамаў КП(б)Б, сакратар аддзела кадраў ЦК КП(б)Б, другі сакратар Магілёўскага абкама КП(б)Б.

З пачаткам Вялікай Айчыннай вайны быў прызначаны Упаўнаважаным Эвакуацыйнага савета пры СНК СССР, з 23 красавіка 1942 года другі сакратар Віцебскага падпольнага абласнога камітэта КП(б)Б. З чэрвеня па кастрычнік 1944 года заставаўся на пасадзе другога сакратара Віцебскага абкама КП(б)Б, пасля па май 1946 года першы сакратар абкама КП(б)Б утворанай Полацкай вобласці.

З 1946 года намеснік сакратара і загадчык аддзела ЦК КП(б)Б.

З красавіка 1949 года — старшыня Выканаўчага камітэта Магілёўскага абласнога Савета.

У 1960—1966 гады член Партыйнай камісіі пры ЦК КПБ.

Член ЦК КПБ (1940—1960). Дэпутат Вярхоўнага Савета БССР (1938—1963), Дэпутат Вярхоўнага Савета СССР (1950—1954).

Зноскі

1. Высшее партизанское командование Белоруссии. 1941—1944: справочник / Э. Г. Иоффе [и др.]; под общ. ред. д-ра ист. наук проф. Э. Г. Иоффе — Мінск: Беларусь, 2009. С. № 118

Літаратура

• Высшее партизанское командование Белоруссии. 1941—1944: справочник (руск.) / Э. Г. Иоффе [и др.]; под общ. ред. д-ра ист. наук проф. Э. Г. Иоффе. — Мн.: Беларусь, 2009. — С. 117—118. — 271 с. — 1 500 экз. — ISBN 978-985-01-0836-4.
• Жилянин Яким Александрович // Биографический справочник — Мн.: «Белорусская советская энциклопедия» имени Петруся Бровки, 1982. — Т. 5. — С. 226—737 с.

Спасылкі

• Біяграфія (руск.)