![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/50/Herb_Korczak.jpg/640px-Herb_Korczak.jpg&w=640&q=50)
Ільінічы
вялікалітоўскі шляхецкі род / From Wikipedia, the free encyclopedia
Ільінічы (таксама ўжываецца Іллінічы) — шляхецкі род герба «Корчак» у Вялікім Княстве Літоўскім у XV—XVI стагоддзях. Паходжанне роду дакладна не высветлена, магчыма род паходзіў з праваслаўнага баярства Северскай зямлі. У сярэдзіне XV стагоддзя вядомы Яцка Ільініч, які атрымаў ад вялікага князя Казіміра пацвярджэнне «отчины и дедины» ў Старадубскім і Радагошчанскім павеце, сяло Пожанку ў Клецкім княстве.
![Thumb image](http://upload.wikimedia.org/wikipedia/commons/thumb/5/50/Herb_Korczak.jpg/320px-Herb_Korczak.jpg)
10 ліпеня 1553 года прадстаўніку роду Юрыю Ільінічу нададзены графскі тытул Свяшчэннай Рымскай імперыі. Са смерцю Юрыя Ільініча ў 1569 годзе род згас; усе уладанні, у тым ліку Мірскі замак, перайшлі да Радзівілаў.
Існаваў таксама іншы род Ільінічаў, які вядомы з XVII стагоддзя і быў унесены радаводную кнігу Магілёўскай губерні, аднак яго сувязь з ранейшым родам не ўсталявана.