Каменная Горка (жылы раён, Мінск)

Каменная Горка — жылы раён на захадзе Мінска. Размешчаны на тэрыторыі плошчай 450 га ў межах МКАД — вуліцы Прытыцкага — Кунцаўшчына — Калеснікава (4-е гарадское кальцо), абмежавана з поўначы катэджным пасёлкам Масюкоўшчына. Разлічаны на 65 тысяч чалавек.

Каменная горка
53°55′02″ пн. ш. 27°25′39″ у. д.HGЯO
Краіна	Беларусь
Горад	Мінск
Адміністрацыйны раён горада	Фрунзенскі раён
Дата заснавання	2008
Год уключэння ў межы горада	2004
Паштовыя індэксы	220017
Плошча	4,5 км²
Насельніцтва	65 тыс. чал.
Медыяфайлы на Вікісховішчы

Вясёлка над вуліцай Налібоцкай

Мяркуецца пабудаваць пяць мікрараёнаў з квартальным тыпам забудовы, канцэнтрацыяй грамадскіх і камунальных функцый у прымагістральнай зоне МКАД і размяшчэннем высокашчыльнага жылля ў непасрэднай блізкасці да лініі метро. Школы і дашкольныя ўстановы выдзяляюцца ў асобную зону, адасобленую ад жылой забудовы паласой зялёных насаджэнняў. Аснову забудовы складаюць дамы вышынёй у 9 і 16 паверхаў.^[1]

Пры гэтым дамы ўзводзяцца групамі, тым самым ствараецца адзіная дваровая прастора, на якой арганізаваны дзіцячыя пляцоўкі, месцы адпачынку. У раёне прадумана схема размяшчэння асабістага аўтатранспарту. Паркоўкі размешчаны па перыметры кожнага квартала, а не ў дварах.^[1]

У першую чаргу (да 2010) забудоўваліся першы і пяты мікрараёны на поўдні раёна. Чакаецца, што горадабудаўнічы воблік жылога раёна Каменная Горка будзе канчаткова сфарміраваны да 2015.^[2]

Асноўныя вуліцы

Від у бок Кунцаўшчыны.

• Прытыцкага
• Кунцаўшчына
• Нёманская
• Казіміраўская
• Каменнагорская
• Лідская
• Налібоцкая
• Люцынская
• Калеснікава

Інфраструктура

Грамадская інфраструктура

У жылым раёне вядзецца актыўнае будаўніцтва гарадской інфраструктуры. У цэнтры жылога раёна запраектаваны мясцовы рынак, прадпрыемствы бытавога абслугоўвання, ФАК з басейнам, запланаваны кінатэатр, музычная школа, рэстаран і кафэ, бібліятэка, маладзёжна‑забаўляльны цэнтр і іншыя аб'екты. У жылым раёне будзе створана сетка гандлёвых кропак, аптэк, а таксама аддзяленняў паштовай сувязі РУП «Белпошта» і ААБ «Беларусбанк». Мэдыцынскія ўстановы прадстаўленыя паліклінікай № 26 і гарадской падстанцыяй хуткай медыцынскай дапамогі. Галоўныя гандлёвыя кропкі раёна — ГЦ «ProStore», ГБЦ «Мацярык» і ГЦ «Green City».

• 
  Каменная Горка-1 (з боку вул. Прытыцкага)
• 
  Каменная Горка-2
• 
  Каменная Горка-3
• 
  Каменная Горка-4
• 
  Каменная Горка-5
• 
  Вуліца Казіміраўская
• 
  Вялікая пустка паміж мікрараёнамі

Транспарт

Праз раён праходзяць аўтобусныя і тралейбусныя маршруты. Раён абслугоўваюць дыспетчарская станцыя Кунцаўшчына і дыспетчарская станцыя Каменная горка-5. Побач з мікрараёнам знаходзіцца станцыя метрапалітэна Каменная Горка. Мінгарвыканкам агучваў планы пабудаваць яшчэ адну станцыю — Красны Бор.

Нумар маршрута:	Назва маршрута:	Заўвагі:
Аўтобусныя маршруты:
12	д/с Кунцаўшчына — д/с Сухарава-5
17	д/с Сухарава-5 — д/с Кунцаўшчына
29	д/с Кунцаўшчына — д/с Карастаянавай
30а	Мінскрыбпрам — Красны Бор	Панядзелак — пятніца
30с	Каржанеўскага — Красны Бор
36	д/с Кунцаўшчына — в. Тарасава
40	д/с Кунцаўшчына — д/с Ландэра
41	д/с Масюкоўшчына — Каменная Горка-5	Панядзелак — пятніца
42	д/с Сухарава-5 — Люцынская
54	д/с Захад-3 — ст. м. Спартыўная
60	д/с Захад-3 — ГЦ Ждановічы
78	д/с Каменная Горка-5 — АВ Цэнтральны
83э	д/с Малінаўка-4 — ГЦ Ждановічы	Акрамя панядзелка
101	д/с Дружная — ГЦ Ждановiчы
107	д/с Кунцаўшчына — Каржанеўскага
116	д/с Каменная горка-5 — Малінаўка-8
121	д/с Сухарава-5 — ГЦ Ждановічы
121д	д/с Сухарава-5 — Люцынская	Субота, нядзеля
122э	д/с Кунцаўшчына — зав. Соф'і Кавалеўскай
128	Каменная Горка-4 — ст.м. Каменная Горка
137	д/с Кунцаўшчына — Водаачышчальная станцыя	Панядзелак — пятніца
138	д/с Кунцаўшчына — Прамвузел Заходні
140	д/с Сухарава-5 — ГЦ Ждановічы	Панядзелак — пятніца
144с	д/с Кунцаўшчына — д/с Курасоўшчына
149	д/с Захад-3 — р/к Люцынская
159	д/с Захад-3 — Каменная Горка-5
177э	д/с Кунцаўшчына — Азярцо
181с	Каменная Горка-5 — д/с Масюкоўшчына	Панядзелак — пятніца
182с	д/с Каменная Горка-5 — д/с Сухарава-5
184с	д/с Каменная Горка-5 — д/с Адоеўскага
185с	д/с Каменная Горка-5 — Масюкоўшчына
188с	Брылевічы — Школа №188
Тралейбусныя маршруты:
9	д/с Кунцаўшчына — Гарадскі вал
13	д/с Сухарава-5 — Гарадскі вал
18	д/с Сухарава-5 — Люцынская	Панядзелак — пятніца
21	д/с Сухарава-5 — Люцынская
25	д/с Кунцаўшчына — д/с Малінаўка-4
31	д/с Кунцаўшчына — Сямашкі
48	д/с Кунцаўшчына — Паліклініка №10	Панядзелак — пятніца
52	д/с Малінаўка-4 — Люцынская
55	д/с Кунцаўшчына — Акадэмічная
Бліжэйшыя станцыі метро: станцыя Каменная Горка

Транспартная інфраструктура мікрараёна^[3]

Славутасці

Паміж мікрараёнамі Каменная Горка-1 і Каменная Горка-2 створана агульнараённая зона адпачынку, якая атрымала імя былога прэзідэнта Венесуэлы Уга Чавеса. Урачыстае адкрыццё новай зоны адпачынку адбылося 18 кастрычніка 2014 года. Плануецца, што тут будзе працаваць некалькі гульнявых пляцовак, у тым ліку для дзяцей-інвалідаў.^[4]

Крыніцы

1. Каменная Горка будзе самым вялікім жылым раёнам Мінска
2. Забудову мінскага мікрараёна Каменная Горка плануецца завяршыць у 2015 годзе(недаступная спасылка)
3. Афіцыйная старонка ДП «Мінсктранс» Архівавана 28 снежня 2014..
4. У Мінску адкрылі парк імя Уга Чавеса

Спасылкі