Каломба

Каломба (сінгальск.: කොළඹ, там.: கொழும்பு) — найбуйнейшы горад і фактычная (неафіцыйная) сталіца Шры-Ланкі (месца знаходжання ўрада і рэзідэнцыі прэзідэнта). Знаходзіцца ў Заходняй правінцыі, у акрузе Каломба. Насельніцтва — 672,7 тыс. жыхароў (2007)^[1], насельніцтва Вялікага Каломба (уключае таксама буйныя гарады Моратува, Дэхівала-Маўнт-Лавінія і Шры-Джаявардэнепура-Котэ — афіцыйную сталіцу краіны) — 5361 тыс. жых. (2001).

Горад Каломба කොළඹ கொழும்பு Герб Сцяг Краіна  Шры-Ланка Каардынаты 6°55′ пн. ш. 79°50′ у. д.HGЯO Плошча 37,31 км² Вышыня цэнтра 1 м Водныя аб’екты Kelani River[d] і Індыйскі акіян Насельніцтва 752 993 чал. (2011) Шчыльнасць 17 212 чал./км² Канфесійны склад будысты, індуісты, хрысціяне Часавы пояс UTC+5:30 Тэлефонны код 011 Паштовыя індэксы 00000–09999 Афіцыйны сайт cmc.lk Каломба на карце Шры-Ланкі

Медыяфайлы на Вікісховішчы

Гісторыя

Назва горада паходзіць ад сінгальскага «Kola-amba-thota», што значыць «мангавая гавань». Арабскія, кітайскія, рымскія купцы наведвалі гавань Каломба больш за 2000 гадоў назад. У VIII стагоддзі н.э. тут надоўга замацаваліся арабы, якія кантралявалі амаль увесь марскі гандаль сінгальскіх каралеўстваў. Партугальцы прыбылі сюды ў XVI стагоддзі і ператварылі ў цэнтр сваёй калоніі. У наступным стагоддзі горад захапілі галандцы, а ў 1802 Каломба стаў сталіцай брытанскай калоніі Цэйлон. З 1948 — сталіца дамініёна Цэйлон, з 1972 — Дэмакратычнай Сацыялістычнай Рэспублікі Шры-Ланка. У 1983 афіцыйная сталіца была перанесена ў Шры-Джаявардэнепура-Котэ.

Гарады-пабрацімы

Каломба з’яўляецца горадам-пабрацімам гарадоў:

• Санкт-Пецярбург, Расія (1997)
• Шанхай, КНР (2003)
• Лідс, Вялікабрытанія (2008)
• Улан-Батар, Манголія (2012)
• Мале, Мальдывы (2013)

Крыніцы

1. Sri Lanka: Districts & Major Cities — Statistics & Maps on City Population