Гарошак мышыны

Гаро́шак мышыны^[3] (Vicia cracca) — від кветкавых раслін роду Гарошак (Vicia) сямейства Бабовыя (Fabaceae).

Гарошак мышыны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Бабовакветныя Сямейства:  Бабовыя Падсямейства:  Матыльковыя Трыба:  Бабовыя Род:  Гарошак Від:  Гарошак мышыны
Міжнародная навуковая назва
Vicia cracca L., Sp. Pl. 2: 735 (1753)
Павдвіды
Vicia cracca subsp. gerardii (W.D.J.Koch) Briq. Vicia cracca subsp. incana (Gouan) Rouy
Сістэматыка на Віківідах Выявы на Вікісховішчы ITIS   26335 NCBI   3905 EOL   704171 GRIN   t:300659 IPNI   73031-3 TPL   ild-9103

Батанічнае апісанне

Батанічная ілюстрацыя Якаба Штурма з кнігі «Deutschlands Flora in Abbildungen», 1796

Шматгадовая травяністая расліна вышынёй да 1,5 м з доўгім карэнішчам, голая або крыху апушаная. Сцябло рабрыстае, звычайна галінастае, чапляецца. Лісце чаргуецца па даўжыні сцябла, апушанае, перыстае, складаецца з 6—10^[3] пар лісткоў. Галоўная вось ліста пераходзіць на канцы ў галінасты вусік. Лісткі суцэльныя, з гладкім краем, апушаныя, даўжынёй 1,5—3^[4] см, часам шараватыя ад валаскоў. Прылісткі даўжынёй да 1,5^[4] (да 1^[3]) см. Кветкі з пяццю^[5] пялёсткамі, фіялетава-сінія^[3], ліловыя, фіялетавыя, вельмі рэдка — белыя^[4], у густых гронках. Плод — голы, падоўжаны струк.

Ядавітая расліна^[5].

Распаўсюджанне і экалогія

Гарошак мышыны распаўсюджаны на тэрыторыі Еўропы і ўмераных і трапічных (В’етнам^[6]) абласцей Азіі. Заносны від у Паўночнай Амерыцы^[4]. Святлолюбівая расліна, мезафіт, мезатроф, эўтроф^[5]. Расце на сухіх лугах, узлесках і палянах, нізінных балотах, у зрэджаных лясах і хмызняках, па берагах вадаёмаў, на аблогах, пустках, у садах, парках і агародах, каля дарог. Цвіце на працягу ўсяго лета^[3].

Гаспадарчае значэнне

Кармавая і лекавая расліна. Пустазелле, якое засмечвае пасевы.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
4. Агроэкологический атлас России и сопредельных стран: экономически значимые растения, их болезни, вредители и сорные растения (руск.)
5. Горошек мышиный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
6. U.S. National Plant Germplasm System (англ.)

Літаратура

• Сауткіна Т. А., Кухарава Л. В. Гарошак // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 567—568.
• Род Вика // Флора СССР. В 30-ти томах / Начато при руководстве и под главной редакцией акад. В. Л. Комарова; Редакторы тома Б. К. Шишкин и Е. Г. Бобров. — М.—Л.: Издательство Академии Наук СССР, 1948. — Т. XIII. — 588 с. — 4 000 экз. (руск.)
• Губанов И. А., Киселёва К. В., Новиков В. С., Тихомиров В. Н. 836. Vicia cracca L. — Горошек мышиный // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2003. — Т. 2. Покрытосеменные (двудольные: раздельнолепестные). — С. 479. — ISBN 9-87317-128-9.

Спасылкі

• Горошек мышиный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Vicia cracca L. (Горошек мышиный) // ИАС «ООПТ России» (руск.)
• Сорные растения. Vicia cracca L. — Горошек мышиный. // Агроэкологический атлас России и сопредельных стран: экономически значимые растения, их болезни, вредители и сорные растения (руск.)