Спірэя дубраўкалістая

Спірэя дубраўкалістая^[3] (Spiraea chamaedryfolia) — від кветкавых раслін роду Спірэя (Spiraea) сямейства Ружавыя (Rosaceae). Выкарыстоўваецца як дэкаратыўная расліна і меданос.

Спірэя дубраўкалістая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Ружакветныя Сямейства:  Ружавыя Падсямейства:  Amygdaloideae Трыба:  Spiraeeae Род:  Спірэя Від:  Спірэя дубраўкалістая
Міжнародная навуковая назва
Spiraea chamaedryfolia L., Sp. Pl. 1: 489 (1753)
Сістэматыка на Віківідах Выявы на Вікісховішчы ITIS   505335 NCBI   701263 EOL   231597 GRIN   t:35278 IPNI   742175-1 TPL   rjp-394

Апісанне

Марозаўстойлівы куст са шчыльнай круглявай кронай, утворанай рабрыстымі парасткамі. У вышыню вырастае да 1,5—2 м. Цвіце ў маі—чэрвені, плоданасіць у ліпені—жніўні.

Лісце шырокадаўгавата-яйкападобнае, востраканцовае, ля асновы закругленае або клінавата звужанае, край да сярэдзіны суцэльны, а бліжэй да заканчэння пласцінкі двойчы пільчаты. Даўжыня ад 3,5 см да 4,5 см. Верхні бок лісця ярка-зялёнага колеру, ніжні — шызы.

Белыя кветкі сабраны ў 6—20-кветкавыя шчыткападобныя суквецці. Кветаножкі голыя.

Плады — голыя лістоўкі, якія змяшчаюць дробнае, плоскае, карычневае, крылатае насенне.

Ценевынослівая расліна, мезафіт і мезатроф^[4].

• 
  Квітнеючы куст
• 
  Ліст
• 
  Суквецце

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 125. — 160 с. — 2 350 экз.
4. Спирея дубровколистная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

• Арлёнак Я. І. Спірэ́я // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 582. — 599 с., іл. — 10 000 экз.
• Род́ Спирея — Spirea L. // Декоративные растения СССР (руск.) / Б. Н. Головкин, Л. А. Китаева, Э. П. Немченко. — М.: Мысль, 1986. — С. 180—181. — 320 с. — (Справочники-определители географа и путешественника). — 100 000 экз.

Спасылкі

• Спирея дубровколистная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)