CherryVata

CherryVata — беларускі музычны гурт. Выконвае меладычную музыку з выкарыстаннем як жывых інструментаў, так і камп’ютарнага гучання. Гурт працуе пераважна ў рамках такіх жанраў, як acid-jazz, trip-hop і іншых.

CherryVata
Жанры	trip-hop acid-jazz
Гады	2003 — нашы дні
Краіна	Беларусь
Горад	Мінск
Мова песень	англійская беларуская
Лэйбл	Ezhevika
Іншыя праекты	Diamos Roll Gorbach
www.cherryvata.com

Гурт параўноўваюць з «Morcheeba», «Massive Attack», «Groove Armada» і «Sneaker Pimps».^[1]

Гісторыя

«CherryVata» з’явіліся ў 2003 годзе з дуэта «Diamos Roll & Heinz Troy» (Дзмітрый Літвіновіч і Аляксей Доўнар).^[2] Гурт выступае як на невялікіх канцэртах, так і на міжнародных, у тым ліку і джазавых, фестывалях. З 2010 па 2015 год «CherryVata» не выступалі жывым складам, аднавіўшы дзейнасць з прыходам новай вакалісткі.^[3][4] Гурт адзначыўся на фестывалях «Ещё лето — 2006, 2007» (Брэст), «Кубак Лева — 2007» (Львоў), «Jazz Koktebel  (фр.) — 2008, 2009, 2010», «Можно!» 2009 (Мінск, Масква), «Be2gether» 2010 (разам з Русяй) (Літва)^[5], «Moscow music week» 2015 (Масква) і іншых.^[2]

Сайтам Experty.by альбом «ViaVanilla» быў прызнаны лепшым альбомам 2009 года ў намінацыі «Прыз народных экспертаў».^[6]

«CherryVata» запісалі музычнае суправаджэнне для спектакля «Женитьба Бальзаминова» ў пастаноўцы Магілёўскага драматычнага тэатра. Два трэкі гурта ўвайшлі ў саўндтрэк да фільма «Жестокость» з Рэнатай Літвінавай, таксама гурт запісаў саўндтрэк для серыяла «Тихий Дон» і для фільма «Бобруйск-Дакар».

У канцы 2015 года разам з гуртом «Vuraj» «CherryVata» запісалі калядную песню на палескім дыялекце беларускай мовы «Шчодры вэчор».^[7]

Склад

• Дзмітрый Літвіновіч — заснавальнік, аранжыроўка, клавішныя, камп’ютарныя эфекты.
• Аляксей Доўнар — заснавальнік, гітара.
• Павел Горбач — ударныя.
• Фёдар Малікін — саксафон.
• Кацярына Штырц — спеў.^[4]

Дыскаграфія

• «Intro Jagody», максі-сінгл, Gismo Lab records, 2004
• «Natural Selection Volume One», «Natural Selection Volume Three», зборнікі, Shum records, 2004, 2005
• «Где!?», альбом, West Records, 2006
• Various Artists «Dub Around volume two», зборнік, Shum records, 2006
• Альбом рэміксаў «Город в квадрате», West Records, 2008, (у запісе альбома прыймалі ўдзел «J:морс», «Без Билета» і Атморави  (руск.))
• «ViaVanilla», альбом, GO-Records/Ezhevika, 2009
• «Infinity», міні-альбом, Ezhevika, 2016^[8]
• «Daybreak», альбом, 2017^[9]

Зноскі

1. Группа CherryVata дарит 45 минут музыки (нявызн.)(недаступная спасылка). Архівавана з першакрыніцы 21 сакавіка 2009.
2. О нас (нявызн.)(недаступная спасылка). Афіцыйны сайт гурта CherryVata. Архівавана з першакрыніцы 27 жніўня 2019.
3. Осипчик, Екатерина “Fobia_L”. Шведский Baby-boom или на первый/второй сорт рас-счи-тась! (руск.)(недаступная спасылка). LiveSound.by (9 студзеня 2008). Архівавана з першакрыніцы 15 студзеня 2008. Праверана 15 ліпеня 2020.
4. CherryVata адраджае жывы склад з новай вакалісткай (нявызн.). Tuzin.fm.
5. Кузьміч, Воля. У чацьверты раз на Be2gether  (бел.). generation.by (29 чэрвеня 2010). Архівавана з першакрыніцы 12 верасня 2020. Праверана 12 верасня 2020.
6. Лепшыя альбомы 2009 (нявызн.). Experty.by.
7. Vuraj&CherryVata. Магія несумяшчальнасьці (нявызн.). tuzin.fm.
8. CherryVata выпустили первый за 7 лет диск (нявызн.). Experty.by.
9. CherryVata — Daybreak (нявызн.). 34mag.

Літаратура

• Д.П. «CHERRYVATA» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 331–332. — 368 с. — 2 000 экз. — ISBN 978-985-6783-42-8.

Спасылкі

• Афіцыйны сайт Архівавана 27 жніўня 2019.
• Старонка гурта на Last.fm
• Лазаревич К. Летом даже «Тролли» поют… о любви // Камсамольская праўда
• Мартов С. Что новенького от белорусских исполнителей предлагают музыкальные магазины // Комсомольская правда
• Примака А. Пропуская CHERRYVATA, опаздываешь на всю весну // Музыкальная газета