Ян Янавіч Забярэзінскі

У Вікіпедыі ёсць артыкулы пра іншых асоб з падобнымі імёнамі, гл. Забярэзінскі і Ян Забярэзінскі.

Ян Забярэзінскі (каля 1480 — 1538) — дзяржаўны дзеяч Вялікага Княства Літоўскага.

Ян Забярэзінскі
Герб «Ляліва»
Вялікі маршалак літоўскі 1522 — 1538
Папярэднік	Ян Радзівіл Барадаты
Пераемнік	Мікалай Радзівіл Чорны
Нараджэнне	каля 1480
Смерць	1538(1538)
Род	Забярэзінскія
Бацька	Ян Юр’евіч Забярэзінскі
Маці	Ганна Насута
Жонка	Барбара Кезгайла Соф'я Радзівіл
Дзеці	Ян, Ганна

Намеснік ваўкавыскі і крычаўскі, маршалак гаспадарскі ў 1506—1516, ваявода новагародскі ў 1509—1530, намеснік дарагічынскі (1514), маршалак земскі з 1522 і ваявода троцкі з 1531.

У 1529 ставіў у войска 197 коннікаў.

Сям'я

З Забярэзінскіх, сын троцкага ваяводы Яна Юр'евіча і Ганны Насуты.

Быў двойчы жанаты. У пасаг за першай жонкай Барбарай Кезгайлай (дачка Станіслава Кезгайлы) атрымаў частку Палачан і Лужан у Ашмянскім павеце. Другім шлюбам быў жанаты з Соф'яй Радзівіл (дачка Мікалая Радзівіла).

Меў сына Яна і дачку Ганну (жонка Фёдара Сапегі, а потым Стэфана Збаражскага).

Літаратура

• Насевіч В. Забярэзінскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 638. — 688 с. — ISBN 985-11-0314-4 (т. 1), ISBN 985-11-0315-2.