Януш Тышкевіч

У Вікіпедыі ёсць артыкулы пра іншых людзей з прозвішчам Тышкевіч.

Януш Скумін Тышкевіч (каля 1572 — 27 мая 1642) — вялікалітоўскі дзяржаўны дзеяч. Ваявода мсціслаўскі (1621 — 1626), троцкі (1626 — 1640), віленскі (з 1640), староста браслаўскі, юрборскі і навадворскі.

Януш Скумін-Тышкевіч
Януш Скумін-Тышкевіч. Гравюра К. Гётке з кнігі А. Дубовіча «Адпраўка асобы». Вільня, 1642
Герб «Ляліва»
11-ы ваявода мсціслаўскі 21 жніўня 1621 — 20 сакавіка 1626
Папярэднік	Марцін Гедройц
Пераемнік	Мікалай Станіслававіч Кішка
19-ы ваявода віленскі верасень 1640 — 27 мая 1642
Папярэднік	Крыштаф Радзівіл
Пераемнік	Крыштаф Хадкевіч
ваявода троцкі 20 сакавіка 1626 — верасень 1640
Папярэднік	Аляксандр Хадкевіч
Пераемнік	Пётр Пац
войт гарадзенскі[d] 1615 — 1620
Пераемнік	Андрэй Станіслаў Сапега
Нараджэнне	каля 1572
Смерць	27 мая 1642(1642-05-27) Вільня, Віленскі павет, Віленскае ваяводства, Вялікае Княства Літоўскае, Рэч Паспалітая
Месца пахавання	Царква Святой Тройцы і базыльянскі манастыр
Род	Тышкевічы
Бацька	Фёдар Тышкевіч
Маці	Кацярына Ляцкая[d]
Жонка	Барбара з Нарушэвічаў[d][1] і Соф’я Замяхоўская[d]
Дзеці	Кацярына Яўгенія з Тышкевічаў[d][2]
Веравызнанне	уніяцтва[1]

Біяграфія

Прадстаўнік старэйшай лініі роду Тышкевічаў (Скумін-Тышкевічы) герба «Ляліва», сын Тэадора, ваяводы наваградскага, і Кацярыны з Ляцкіх.

Навучаўся ў Падуанскім універсітэце. Удзельнічаў у пасольствах у Прусію, перамовах са Швецыяй. Ваяваў супраць шведаў у Інфлянтах у вайне Рэчы Паспалітай са Швецыяй (1600—1618), Дзмітрыядзе ІІ, і супраць туркаў у Хоцінскай бітве (1621).

Аўтар дзённіка мірных перамоў са Швецыяй у 1625. Браў удзел у рэлігійнай палеміцы падчас складання Берасцейскай уніі (1596), выдаў брашуру «Ліст да Барэцкага і Сматрыцкага супраць царквы ўсходняй».

У 1618 зрабіў ахвяраванне на карысць кляштара бенедыкцінцаў у Гродна.

Першы раз ажаніўся з Барбарай, дачкой Станіслава Нарушэвіча, другі — з Соф'яй Замяхоўскай. У першым шлюбе меў дачку Кацярыну Яўгенію, якая стала жонкай Аляксандра Людвіка Радзівіла.

Літаратура

• Грыцкевіч А. Тышкевічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 681. — 792 с. — ISBN 985-11-0378-0 (т. 2), ISBN 985-11-0315-2.

1. Urzędnicy Wielkiego Księstwa Litewskiego : spisy. T. 9, Województwo mścisławskie XVI-XVIII wiek / пад рэд. А. Рахуба — Warszawa: 2019. — С. 193. — ISBN 978-83-65880-76-5

   <a href='https://wikidata.org/wiki/Track:Q121092284'></a><a href='https://wikidata.org/wiki/Track:Q11686050'></a>
2. Czamańska I. Wiśniowieccy: monografia rodu — Poznań: Wydawnictwo Poznańskie, 2007. — С. 237. — 552 с. — ISBN 978-83-7177-229-0

   <a href='https://wikidata.org/wiki/Track:Q11711731'></a><a href='https://wikidata.org/wiki/Track:Q9379244'></a><a href='https://wikidata.org/wiki/Track:Q130214150'></a>