Юрый Багушэвіч (пісьменнік)

У Вікіпедыі ёсць артыкулы пра іншых людзей з прозвішчам Багушэвіч.

Юрый Багушэвіч, поўнае імя Георгій Канстанцінавіч Багушэвіч (5 мая 1917, Орша — 18 мая 1983, Мінск) — беларускі пісьменнік і перакладчык.

Юрый Багушэвіч
Асабістыя звесткі
Імя пры нараджэнні	Георгій Канстанцінавіч Багушэвіч
Дата нараджэння	22 красавіка (5 мая) 1917
Месца нараджэння	Орша, Аршанскі павет, Магілёўская губерня, Расійская імперыя
Дата смерці	18 мая 1983(1983-05-18) (66 гадоў)
Месца смерці	Мінск, БССР, СССР
Пахаванне	Паўночныя могілкі
Грамадзянства	БССР
Альма-матар	Мінскі дзяржаўны педагагічны інстытут імя Максіма Горкага (1941)
Месца працы	Знамя юности Раніца Мінская праўда Спортивная панорама[d] Советский спорт Саюз беларускіх пісьменнікаў Мінская кінастудыя навукова-папулярных і хранікальна-дакументальных фільмаў[d]
Прафесійная дзейнасць
Род дзейнасці	пісьменнік і перакладчык
Мова твораў	руская
Узнагароды

Біяграфія

Нарадзіўся ў сям'і чыгуначніка. Скончыў у 1941 годзе факультэт мовы і літаратуры Мінскага педагагічнага інстытута^[1], адначасова працаваў у газеце «Сталинская молодежь». У час Вялікай Айчыннай вайны знаходзіўся ў дзеючай арміі^[1] на Калінінскім і Беларускім франтах, з 1943 — ваенны карэспандэнт. З 1945 — у ваеннай газеце на Далёкім Усходзе (Карэя, Кітай).

Пасля дэмабілізацыі з 1949 года працаваў у рэдакцыях газет «Піянер Беларусі», «Мінская праўда», «Фізкультурнік Беларусі», быў карэспандэнтам газеты «Советский спорт», літкансультантам СП БССР, галоўным рэдактарам Мінскай кінастудыі навукова-папулярных і дакументальных фільмаў^[1].

Сябра Саюза пісьменнікаў СССР і Беларусі з 1954 года.

Памёр 18 мая 1983 года ў Мінску. Пахаваны на Паўночных могілках Мінска^[2] (Паўночныя-1, 62/18/17)^[3].

Творчасць

Дэбютаваў у 1938 годзе^[1]. Пісаў пераважна на рускай мове. Выйшлі аповесці «Побратимы» (1955), «Дерево дружбы» (1959), «Повести и рассказы» (1970), «В городке над Неманом» (1973), «Дырэктар „зялёнай школы“» (1975), «Юность пришла» (1977, 1987)^[1]. Прымаў удзел у напісанні гісторыі мінскіх станкабудаўнічага і аўтамабільнага заводаў^[1].

Напісаў некалькі сцэнарыяў кароткаметражных кінафільмаў, у сааўтарстве з В. Зубам — п'есу «Сябры» (1960, пастаўлена ў 1958)^[1].

Пераклаў на рускую мову асобныя творы П. Пестрака, А. Рылько, П. Кавалёва, аповесць Р. Няхая «Сарочы лес», зборнік «Піянеры-героі» (з Б. Бур'янам).

Узнагароды

• Ордэн Айчыннай вайны II ступені,
• Ордэн Чырвонай Зоркі,
• медалі СССР і КНДР.

Зноскі

1. Богушевич Юрий // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 67. — 737 с.
2. Багушэвіч Юрый – Белліт  (бел.) (6 ліпеня 2023). Праверана 20 ліпеня 2024.
3. Аблажэй — Брыль – Белліт  (бел.) (14 ліпеня 2023). Праверана 20 ліпеня 2024.