Барыс Іванавіч Бур’ян

Барыс Іванавіч Бур’ян (7 студзеня 1924, г. Масква — 8 кастрычніка 2009, Мінск) — беларускі крытык і празаік^[2].

Барыс Іванавіч Бур'ян
Асабістыя звесткі
Псеўданімы	V. Ivin[1]
Дата нараджэння	7 студзеня 1924(1924-01-07)
Месца нараджэння	Масква, Маскоўская губерня, РСФСР, СССР
Дата смерці	8 кастрычніка 2009(2009-10-08) (85 гадоў)
Месца смерці	Мінск, Беларусь
Пахаванне	Паўночныя могілкі
Грамадзянства	Беларусь  СССР
Месца працы	Беларускае тэлеграфнае агенцтва Сталинская молодёжь Нацыянальная дзяржаўная тэлерадыёкампанія Рэспублікі Беларусь Мінская кінастудыя навукова-папулярных і хранікальна-дакументальных фільмаў[d] Літаратура і мастацтва Нёман
Прафесійная дзейнасць
Род дзейнасці	крытык і празаік
Мова твораў	руская і беларуская
Грамадская дзейнасць
Член у	Саюз пісьменнікаў СССР
Узнагароды

Біяграфія

Да вайны працаваў артыстам у тэатрах Разані і Кінешмы. Скончыў тэатральную студыю пры Разанскім тэатры ў 1941 годзе. Са жніўня 1941 г. служыў у Савецкай Арміі — у войсках сувязі, удзельнічаў у баях на 4-м Украінскім фронце. З 1946 г. — карэспандэнт БелТА, у 1947—1951 гг. — стыльрэдактар газеты «Сталинская молодежь». Потым быў рэдактарам на Беларускім тэлебачанні, на Мінскай кінастудыі навукова-папулярных і хранікальна-дакументальных фільмаў. У 1952—1953 і ў 1963—1985 гг. супрацоўнік газеты «Літаратура і мастацтва» (з 1967 года — загадчык аддзела тэатра, музыкі і кіно), у 1953—1962 гг. часопіса «Советская Отчизна» (пазней перайменаваны ў «Нёман»). Сябра СП СССР з 1950 г^[3].

Памёр 8 кастрычніка 2009 года ў Мінску^[4]. Пахаваны ў калумбарыі каля крэматорыя на Паўночных могілках Мінска^[5].

Творчасць

Літаратурную дзейнасць пачаў у 1947 г. з тэатральных рэцэнзій. Піша на рускай і беларускай мовах. Выдаў тэатразнаўчы нарыс «На высоком взлете» (з І. Ліснеўскім, 1962), брашуру «Каму апладзіруе зала» (1972), зборнікі эсэ і артыкулаў «На театральных перекрестках» (з І. Ліснеўскім, 1967), «З сёмага рада партэра» (1978), «Судьба чужая — как своя» (1982), «І толькі надпіс…» (1987). Выступае і як літаратурны крытык^[2][3].

Аўтар аповесцей «Первый снег» (1957), «У синей бухты» (1959), «Твоя повесть» (1959), «Вальс Грибоедова» (1960), «Радужный перезвон» (1964), «Грозовые отголоски» (выбранае, 1984)^[3].

Напісаў п’есы «Зорка Венера» (з М. Алтуховым, 1961, пастаўлена ў 1967) і «Твой высокі поўдзень» (пастаўлена ў 1968). Стварыў шэраг сцэнарыяў для радыё, тэлебачання і дакументальнага кінематографа^[3].

Перакладаў на рускую мову творы К. Чорнага, М. Лынькова, А. Васілевіч, І. Грамовіча, А. Якімовіча, А. Макаёнка, У. Шахаўца, Т. Хадкевіча, Я. Курто і інш^[2][3].

Узнагароды

Узнагароджаны ордэнамі Айчыннай вайны II ступені і «Знак Пашаны», медалямі^[3].

Зноскі

1. Czech National Authority Database Праверана 8 чэрвеня 2022.

   <a href='https://wikidata.org/wiki/Track:Q13550863'></a>
2. Бурьян Борис Иванович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 93. — 737 с.
3. Бур’ян Барыс Іванавіч(недаступная спасылка)
4. Бур’ян Барыс – Белліт  (бел.) (8 ліпеня 2023). Праверана 23 ліпеня 2024.
5. Брэская — Гарэцкі – Белліт  (бел.) (14 ліпеня 2023). Праверана 23 ліпеня 2024.

Спасылкі

• Бур’ян Барыс Іванавіч(недаступная спасылка)