Сяргей Уладзіміравіч Чэрачань

Сяргей Уладзіміравіч Чэрачань (нар. 8 мая 1985, Крычаў, Магілёўская вобласць, БССР, СССР) — беларускі палітык, старшыня партыі Беларуская сацыял-дэмакратычная Грамада з 2018 года^[1].

Сяргей Уладзіміравіч Чэрачань
Старшыня партыі Беларуская сацыял-дэмакратычная Грамада з 3 лістапада 2018
Папярэднік	Станіслаў Шушкевіч
Нараджэнне	8 мая 1985(1985-05-08) (39 гадоў) Крычаў, Крычаўскі раён, Магілёўская вобласць, БССР, СССР
Партыя	Беларуская сацыял-дэмакратычная Грамада (з 2018)
Адукацыя	Беларускі дзяржаўны ўніверсітэт інфарматыкі і радыёэлектронікі
Дзейнасць	палітык
Месца працы	Дырэктар таварыства з абмежаванай адказнасцю «Інфармацыйны Спектр». Генеральны дырэктар групы кампаній DIIN.
Сайт	cherechen.by

Біяграфія

Нарадзіўся 8 мая 1985 года ў горадзе Крычаў Магілёўскай вобласці БССР. Вырас і вучыўся ў Магілёве, скончыў Магілёўскі дзяржаўны абласны ліцэй № 3. Навучаўся ў Беларускім дзяржаўным універсітэце інфарматыкі і радыёэлектронікі па спецыяльнасці «Шматканальныя сістэмы тэлекамунікацый».

У 2004—2005 гадах быў старшынёй маладзёжнага грамадзянскага аб’яднання «Развіццё». Дырэктар таварыства з абмежаванай адказнасцю «Інфармацыйны Спектр». Генеральны дырэктар групы кампаній DIIN.

У 2016 годзе быў кандыдатам у дэпутаты Палаты прадстаўнікоў Нацыянальнага сходу Рэспублікі Беларусь, але не быў абраны. З 2017 года старшыня Савета Беларускага рэспубліканскага грамадзянскага аб’яднання «Дыпламатыя».

Прэзідэнцкая кампанія 2020

12 студзеня 2020 года на пасяджэнні Цэнтральнай Рады БСДГ было прынята рашэнне пра вылучэнне кандыдата ў прэзідэнты. Ім стаў старшыня партыі Сяргей Чэрачань^[2].

Крытыка

Сустаршыня партыі БХД Віталь Рымашэўскі раскрытыкаваў абранне новага кіраўніцтва БСДГ. Былы член Камуністычнай партыі Беларусі Чэрачань, на думку Рымашэўскага, — гэта шлях да ліквідацыі партыі.

Зноскі

1. "Станіслава Шушкевіча на пасадзе кіраўніка БСДГ змяніў бізнесмен Сяргей Чэрачэнь". Наша Ніва. 3 лістапада 2018. Праверана 3 лістапада 2018.
2. Пераемнік Шушкевіча будзе вылучацца кандыдатам у прэзыдэнты (нявызн.). Радыё Свабода (12 студзеня 2020). Праверана 1 лютага 2020.