Санта-Марыя-дэль-Попала
From Wikipedia, the free encyclopedia
Санта-Марыя дэль Попала (італ.: Basilica di Santa Maria del Popolo) — тытулярная царква ордэна аўгусцінцаў у Рыме, размешчана на названым па царкве вялікім п’яцца-дэль-Попала.
| Славутасць | |
| Санта-Марыя-дэль-Попала | |
|---|---|
 | |
| 41°54′41″ пн. ш. 12°28′35″ у. д.HGЯO | |
| Краіна | Італія |
| Месцазнаходжанне | |
| Канфесія | каталіцтва |
| Епархія | Рымская дыяцэзія[d] |
| Ордэнская прыналежнасць | аўгусцінцы-эрэміты[d] і Order of Friars Minor[d] |
| Архітэктурны стыль | рэнесансная архітэктура |
| Архітэктар | Бача Пантэлі[d] |
| Дата заснавання | 1099[2] і 1239 |
| Сайт | smariadelpopolo.com |
 |
|
| Медыяфайлы на Вікісховішчы | |
Архітэктура
Будынак узведзены ў 1472—1477 гадах на аснове раманскай капэлы (капліцы) каля таполі (populus), пабудаванай Папам Пасхаліем II у 1099 годзе паблізу паўночнай брамы Рыма.
Царква пабудавана ў выглядзе лацінскага крыжа, аднак здалёку здаецца цэнтрычнай праз купал, які ўзвышаецца над міжкрыжаваннем, і сіметрыі падкупальнай прасторы (праект Рафаэля Санці). Таму будынак агулам лічыцца помнікам рэнесанснай архітэктуры.
Цяперашні фасад царквы аформлены па праекце Джавані Ларэнца Берніні.
Унутры храм мае тры нефы з чатырма капэламі па кожным баку, трансепт і прэсбітэрый. У перыяд барока былі дададзены статуі ў нішах.
Апсіда і галоўны алтар створаны Даната Брамантэ у 1505—1513 гадах. Карціны ў алтары — Себасцьяна дэль П’ёмба. Фрэска ў консе — Пінтурык’я.
У храме знаходзяцца некалькі капэл, сярод якіх вядома шырокай публіцы па кнізе Дэна Браўна «Анёлы і дэманы» і аднайменным фільме — капэла Кіджы.
Ніжняя капэла дэла Роверэ
Капэла Кіджы
Плафон пэндзля Рафаэля
Капэла Чыба
Капэла Чэразі
Капэлы
Капэлу Кіджы спраектаваў Рафаэль для свайго апекуна Агасціна Кіджы. Мазаічнае ўпрыгожанне капэлы таксама створана Рафаэлем, карціны ў алтары — Себасцьяна дэль П’ёмба. Таксама да канца XVI стагоддзя ў царкве знаходзіліся напісаныя для яе Рафаэлем партрэт Папы Юлія II і абраз Мадонна дэль Попала.
Капэлу Чэразі распісвалі майстры ранняга барока — Анібале Карачы і Караваджа. Створаныя Караваджа палотны на тэмы з жыцця Святога Пятра належаць да найбольш значных твораў італьянскага жывапісу XVII стагоддзя.
Капэлу з грабніцамі роду дэла Роверэ ўпрыгожваў жывапісам Пінтурык’я.
Зноскі
- catalogo.beniculturali.it — 2014.
Спасылкі
Wikiwand - on
Seamless Wikipedia browsing. On steroids.