Расненскі раён

Ра́сненскі раён — адміністрацыйна-тэрытарыяльная адзінка ў БССР у 1924—1931 гадах. Цэнтр — вёска Расна.

Расненскі раён
Краіна	Беларуская ССР
Уваходзіў у	Калінінская акруга Аршанская акруга
Адміністрацыйны цэнтр	Расна
Дата ўтварэння	17 ліпеня 1924
Дата скасавання	8 ліпеня 1931

Раён утвораны 17 ліпеня 1924 года ў складзе Калінінскай акругі БССР. Цэнтр — вёска Расна. 20 жніўня 1924 года падзелены на 9 сельсаветаў: Дзеднеўскі, Доўгавіцкі, Забалацкі, Затонскі, Кашанскі, Пячкавіцкі (Пячкаўскі), Пячонкаўскі, Расненскі (Раснянскі) і Чыгрынаўскі. 21 жніўня 1925 года Затонскі сельсавет перайменаваны ў Робцаўскі, Кашанскі сельсавет — у Шыркаўскі, Чыгрынаўскі сельсавет — у Асінаўскі. З 9 чэрвеня 1927 года раён у складзе Аршанскай акругі. У 1928 годзе ўтвораны Баброўскі і Малькаўскі сельсаветы. Пасля скасавання акруговага падзелу 26 ліпеня 1930 года раён у прамым падпарадкаванні БССР. 8 ліпеня 1931 года скасаваны: Баброўскі, Доўгавіцкі, Забалацкі, Малькаўскі, Пячкавіцкі (Пячкаўскі), Расненскі (Раснянскі), Шыркаўскі сельсаветы перададзены ў склад Мсціслаўскага раёна; Пячонкаўскі сельсавет — у склад Горацкага раёна; Асінаўскі, Дзеднеўскі і Робцаўскі сельсаветы — у склад Чавускага раёна^[1].

Зноскі

1. Пастанова Цэнтральнага Выканаўчага Камітэту і Савету Народных Камісараў БССР Пра частковае парараёнаваньне БССР ад 8 ліпеня 1931 г. // Збор законаў і загадаў Рабоча-Сялянскага Ўраду Беларускай Сацыялістычнай Савецкай Рэспублікі. — 1931, № 33.

Літаратура

• Административно-территориальное устройство БССР: справочник: в 2 т. / А.И. Карпачева и др. / Главное архивное управление при Совете Министров БССР, Институт философии и права Академии наук БССР. — Т. 1: (1917―1941 гг.). — Мн., «Беларусь», 1985. — 390 с.
• Расненскі раён // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).
• Расненскі раён // Энцыклапедыя гісторыі Беларусі: У 6 т. / БелЭн; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. Т. 6. Кн. 1: Пузыны — Усая. — Мн.: БелЭн, 2001. — 591 с.: іл. — С. 110. — ISBN 985-11-0214-8.