Пётр Іванавіч Брыгадзін

Пё́тр Іва́навіч Брыга́дзін (24 жніўня 1949, в. Моладава, Іванаўскі раён, Брэсцкая вобласць, БССР — 12 снежня 2021, Мінск, Беларусь) — беларускі гісторык, міністр адукацыі Рэспублікі Беларусь (2001—2003), рэктар Акадэміі кіравання пры прэзідэнце Рэспублікі Беларусь (2000—2001).

Пётр Іванавіч Брыгадзін
Дата нараджэння	24 жніўня 1949(1949-08-24) ці 1949[1]
Месца нараджэння	Моладава, Моладаўскі сельсавет, Іванаўскі раён, Пінская вобласць, БССР, СССР
Дата смерці	12 снежня 2021(2021-12-12)
Месца смерці	Мінск, Беларусь
Месца пахавання	Заходнія могілкі (Мінск)
Грамадзянства	СССР  Беларусь
Род дзейнасці	навуковец
Навуковая сфера	гісторыя Беларусі
Месца працы	БДУ Дзяржаўны інстытут кіравання і сацыяльных тэхналогій БДУ[d]
Навуковая ступень	доктар гістарычных навук
Альма-матар	гістарычны факультэт БДУ (1971)
Узнагароды	Ганаровая грамата Савета Міністраў Рэспублікі Беларусь (1998) ганаровая грамата Нацыянальнага сходу Рэспублікі Беларусь (2001)

Біяграфія

У 1971 скончыў гістарычны факультэт БДУ, навучаўся ў аспірантуры БДУ (1975—1978). У 1978 абараніў кандыдацкую дысертацыю «Камсамол Беларусі — актыўны памочнік партыі ў культурным будаўніцтве (1966—1970)». У 1995 абараніў доктарскую дысертацыю «Эсэры ў Беларусі (канец XIX ст. — люты 1917)». Прафесар (1996).

Выкладчык кафедры гісторыі КПСС гуманітарных факультэтаў, сакратар камітэту камсамола, намеснік сакратара парткама БДУ, загадчык аддзела ЦК ЛКСМБ, інструктар аддзела навукі і навучальных устаноў ЦК КПБ. Прарэктар па вучэбнай працы (1988—1994), загадчык кафедры гісторыі Беларусі новага і найноўшага часу (1994—1996), першы прарэктар БДУ (1996—2000), адначасна рэктар Рэспубліканскага інстытута вышэйшай школы. Рэктар Акадэміі кіравання пры прэзідэнце Рэспублікі Беларусь (2000—2001), міністр адукацыі Рэспублікі Беларусь (2001—2003). З 2003 па красавік 2018 года працаваў дырэктарам Дзяржаўнага інстытута кіравання і сацыяльных тэхналогій БДУ.

Быў членам Савета Рэспублікі Нацыянальнага сходу Рэспублікі Беларусь і Парламенцкага сходу Саюза Беларусі і Расіі, Прэзідыума НАН Беларусі, ВАК Рэспублікі Беларусь. Узначальваў Савет па абароне доктарскіх дысертацый.

Памёр 12 снежня 2021 года^[2].

Навуковыя інтарэсы

Палітычная гісторыя Беларусі новага і найноўшага часу. Аўтар больш за 70 прац.

Падрыхтаваў двух дактароў і сем кандыдатаў навук.

Асноўныя публікацыі

• Эсэры в Беларуси (конец XIX в. — февраль 1917 г.). — Мн., 1994;
• Усевалад Ігнатоўскі: палітычны дзеяч, вучоны. — Мн., 1998 (у сааўт.);
• На пераломе эпох: станаўленне беларускай дзяржаўнасці (1917—1920 гг.). — Мн., 1999 (у сааўт.);
• Паміж Усходам і Захадам: станаўленне дзяржаўнасці і тэрытарыяльнай цэласнасці Беларусі (1917—1939 гг.). — Мн., 2003 (у сааўт.);
• Военная школа в Беларуси (XIII в. — перв. четв. XIX в.). — Мн., 2004;
• Мятежный корпус: из истории Александровского Брестского кадетского корпуса (1842—1863). — Мн., 2007;
• Гісторыя Беларусі. Курс лекцый: У 2 т. — Мн., 2000, 2002 (у сааўт.);
• Беларусазнаўства: Вучэб. дапам. — Мн., 2000 (у сааўт.);
• История Беларуси в контексте европейской истории: Курс лекций. — Мн., 2007.

Узнагароды і прэміі

• Медаль «За працоўную доблесць» (1980)
• Ганаровая грамата Савета Міністраў Рэспублікі Беларусь (1998)
• Ганаровая грамата Нацыянальнага сходу Рэспублікі Беларусь (2001)
• Заслужаны работнік адукацыі Рэспублікі Беларусь (1999)

Зноскі

1. Deutsche Nationalbibliothek Record #1159216010 // Агульны нарматыўны кантроль — 2012—2016. Праверана 10 жніўня 2024.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
2. Памёр былы міністр адукацыі і сумленны гісторык Пётр Брыгадзін Архівавана 12 снежня 2021.

Спасылкі