Міхась Бельскі

Міхась Бельскі, поўнае імя Міхаіл Лявонцьевіч Бельскі (21 верасня 1921, Сянно — 29 красавіка 1988) — беларускі мастак, графік.^[1]

Міхась Бельскі
Дата нараджэння	21 верасня 1921(1921-09-21)
Месца нараджэння	Сянно, Сенненскі павет, Віцебская губерня, РСФСР
Дата смерці	29 красавіка 1988(1988-04-29) (66 гадоў)
Месца смерці	Мінск, БССР, СССР
Грамадзянства	СССР
Род дзейнасці	мастак, графік
Месца працы	Мінскае мастацкае вучылішча БПІ
Жанр	станковая графіка[d] і кніжная графіка
Вучоба	Днепрапятроўскі дзяржаўны тэатральна-мастацкі каледж[d] (1941) Кіеўскі дзяржаўны мастацкі інстытут (1952)
Член у	Саюз мастакоў БССР

У Вікіпедыі ёсць артыкулы пра іншых людзей з прозвішчам Бельскі.

Біяграфія

Скончыў Днепрапятроўскае мастацкае вучылішча (1941). У 1941—1945 гадах удзельнік Вялікай Айчыннай вайны. У 1946—1952 гадах навучаўся ў Кіеўскім мастацкім інстытуце ў І. Пляшчынскага і А. Шаўкуненкі. Удзельнічаў у мастацкіх выставах у Кіеве з 1947 года.^[2] Вучань Васіля Касіяна, Таццяны Яблонскай, Георгія Меліхава. Выкладаў у Мінскім мастацкім вучылішчы (1952—1956). Больш за трыццаць гадоў выкладаў у Беларускім політэхнічным інстытуце (1956—1987). Член Саюзу мастакоў БССР з 1954 года.^[3]

Творчасць

Працаваў у галіне станковай і кніжнай графікі ў тэхніцы акварэлі, афорту, літаграфіі і ксілаграфіі^[3]. Сярод работ: серыі «Зямля сялянам» (1957), «Стары і новы Мінск» (1959), «Мая Беларусь» (1964), «Мой родны кут» (1978—1980). Выканаў ілюстрацыі да кніг «Калі зліваюцца рэкі» П. Броўкі, «Паэмы» і «Вершы, паэмы» Я. Купалы, «Украінскія народныя казкі» (усе 1957—1959), «Хто робіць пагоду» М. Лужаніна (1960), «На берагах Нявы» І. Гурскага (1968, 1977), «Шэметы» М. Лобана (1981) і інш.

Выбраныя працы

• «Халодны дзень» (1953, акварэль)
• «Зямля сялянам» (1957, гістарычны музей, Мінск)
• «Стары і новы Мінск» (1959, мастацкі музей, Мінск)
• «Стары Мінск» (трыпціх, 1979, каляровая папера, вугаль, гуаш)
• Ілюстрацыі да кніг А. Капыленкі «Петраградскі хлопчык» (1950), М. Лужаніна «Хто робіць надвор’е», П. Яршова «Канёк-гарбунок» (1954)^[2]

Купаліяна

Ілюстрацыі да вершаў Янкі Купалы

• «Алеся»
• «Восень» («Эй, восень, восень…»)
• «Дзве сястры»
• «Кароль»
• «Крыжы»
• «На старую ноту»
• «Не кляніце мяне»
• «Партызаны»
• «Песня сіроткі»
• «Праз вайну»
• «Ці ты ўзойдзеш калі, сонца»^[4]

Ілюстрацыі да паэм Янкі Купалы

• «Курган»
• «Бандароўна»
• «Магіла льва»
• «Над ракой Арэсай»
• «Тарасова доля»^[4]

Іншыя працы

• Партрэт Янкі Купалы (акварэль)
• «Хата Луцэвічаў у вёсцы Вязынка» (1952)^[4]

Зноскі

1. Бельский Михаил Леонтьевич (1921–1988) (нявызн.)(недаступная спасылка). Галерэя «Альбіён» (10 мая 2013). Архівавана з першакрыніцы 4 сакавіка 2016. Праверана 6 кастрычніка 2013.
2. Бельский Михаил Леонтьевич (1921–1988) (нявызн.)(недаступная спасылка). Галерея Леонида Шишкина (10 мая 2013). Архівавана з першакрыніцы 17 сакавіка 2011. Праверана 6 кастрычніка 2013.
3. Выстава «Класіка графікі» (нявызн.). вебсайт Нацыянальнага мастацкага музея Рэспублікі Беларусь (2011). Праверана 10 мая 2013.(недаступная спасылка)
4. М. Шавыркін Бельскі, Міхаіл // Янка Купала : Энцыклапедычны даведнік. — Мінск: БелСЭ, 1986. — С. 87.

Літаратура

• Бельскі Міхаіл Лявонцьевіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).

Спасылкі

• Біяграфічныя звесткі Архівавана 4 сакавіка 2016. на сайце Галерэя «Альбіён»
• Ілюстрацыі М. Бельскага да вершаў і паэм Янкі Купалы (1957—1958) Архівавана 10 мая 2013. на сайце Архівавана 30 красавіка 2007. Нацыянальнае бібліятэкі Беларусі