Марцін Мікалай Радзівіл

Марцін Мікалай Караль Радзівіл (11 лістапада 1705, мястэчка Цімкавічы Слуцкага княства, цяпер у Капыльскім раёне, Мінская вобласць — 11 студзеня 1782, Слуцк) — вялікалітоўскі дзяржаўны дзеяч, арганізатар навукі, даследчык-алхімік.

Марцін Мікалай Радзівіл
М. М. К. Радзівіл. Невядомы мастак, XVIII ст.
Трубы
крайчы вялікі літоўскі 1723 — 1752
Папярэднік	Міхал Антоні Радзівіл
Пераемнік	Станіслаў Радзівіл
Нараджэнне	11 лістапада 1705(1705-11-11) Цімкавічы, Новагародскі павет, Новагародскае ваяводства, Вялікае Княства Літоўскае, Рэч Паспалітая
Смерць	11 студзеня 1782(1782-01-11)[1] (76 гадоў) Слуцк, Слуцкае княства, Новагародскі павет, Новагародскае ваяводства, Вялікае Княства Літоўскае, Рэч Паспалітая[1]
Месца пахавання	Нясвіж
Род	Радзівілы
Бацька	Ян Мікалай Радзівіл
Маці	Дарота Генрыка з Пшэбяндоўскіх
Жонка	1) Аляксандра з Бяльхацкіх 2) Марта з Трамбіцкіх
Дзеці	ад 1-га шлюбу: Антаніна, Юзаф Мікалай ад 2-га шлюбу: Міхал Геранім, Дамінік, Якуб, Антоні Мікалай
Медыяфайлы на Вікісховішчы

З роду Радзівілаў. Сын Яна Мікалая.

Крайчы ВКЛ у 1723—1752, маршалак Трыбунала ВКЛ у 1737.

3 1729 ардынат клецкі. Арганізаваў лабараторыі, праводзіў даследаванні па фізіцы, медыцыне, хіміі, захапляўся алхіміяй.

Верагодна, душэўна захварэў. Паводле сведчанняў сучаснікаў, верыў у перасяленне душ, намерваўся перайсці ў іўдаізм, дзеля чаго пачаў вывучаць іўрыт, завёў гарэм, абвінавачваўся ў гвалтах і забойствах. У 1748 кароль і вялікі князь Аўгуст Сас перадаў Марціна Мікалая Радзівіла пад апеку Гераніму Фларыяну Радзівілу, які трымаў яго пад вартай у Белай і Слуцку; пазней апеку пераняў Міхал Казімір Радзівіл.

Упершыню ажаніўся з Аляксандрай Бялхацкай, з якой меў дачку Антаніну і сына Юзафа Мікалая, у другім шлюбе з Мартай Трамбіцкай меў сыноў Міхала Гераніма, Дамініка, Якуба і Антонія Мікалая^[2].

Зноскі

1. Senatorowie i dygnitarze Wielkiego Księstwa Litewskiego 1386—1795 / пад рэд. J. Wolff — Kraków: 1885. — С. 230.

   <a href='https://wikidata.org/wiki/Track:Q123243396'></a>
2. ЭнцВКЛ 2005.

Літаратура

• Хадыка А. Беларускаму Фаўсту 305 гадоў… http://agroecotour.com/ru/articles/36-history/68-faust-305 Архівавана 2 лютага 2015.
• Шышыгіна-Патоцкая К. Нясвіж і Радзівілы, Мн.: Беларусь, 2007.
• Радзівіл Марцін Мікалай Кароль // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 492. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• На Вікісховішчы ёсць медыяфайлы па тэме Марцін Мікалай Радзівіл